ئەم هەواڵە بڵاوبكەوە
FaceBook  Twitter  

❶ ڕەتـكــــردنەوەی ســــەڵتەنەت :

هەڵگرتنی سەڵتەنەت لەنێوئەنجومەنی نیشتمانی گەورە گفتوگۆی لەسەركرا،مستەفاكمال پاشا دەڵێت: (دەسەڵات لەڕێگای توند و تیژی دەسەپێنرێت نەك لەڕێگای گفتوگۆ ) .

لەتشرینی2 – 1922 ڕەزامەندی لەسەردرا بەیاسایەك خەڵافەت و سەڵتەنەت لەیەكتری جیاكرانەوە،بڕیاردرا بەهەڵگرتنی سەڵتەنەت و حكومەتی ئەستەمبۆل دەستی لەكاركێشایەوە .

❷ دامەزراندنی پارتی گەل و ڕاگەیاندنی كۆماری توركیا :

مستەفاكمال بیری لەدامەزراندنی پارتێكی گەورەكردەوە تاوەكو بتوانێت لەهەڵبژاردنەكانی ئەنجومەنی نوێنەران زۆرترین كورسی بەدەست بهێنێ،لە ( 8/نیسانی/1923 ) پرۆژەی پارتی گەل (هەلك فركەسی ) ڕاگەیەنرا كەدواتر ناوەكەی گۆڕا بۆ پارتی گەلی كۆماری .

لە ( 29/تشرینی1/1923 ) ڕژێمی كۆماری لەتوركیا ڕاگەیەنرا و سەردەمێكی نوێ دەستی پێكرد .

❸ هەڵگرتنی خەڵافەت :

1-مستەفاكمال هەوڵی دا ئاین و دەوڵەت لەیەكترجیابكاتەوە .

2-مستەفاكمال لەووتارەكانی دا هێرشی دەكردە سەر ڕژێمی خەڵافەت .

3-بوونی خەڵافەت بەكۆسپ دادەنرا لەبەردەم ڕژێمی كۆماری،چونكەهەربڕیارێك كەدەردەچوو دەبووایە مۆری خەڵیفەی لەسەربێت .

4-لە ( 3/ئازاری/1924 ) خەڵافەت بەبڕیاری ئەنجومەنی نیشتمانی ڕەتكرایەوە .

5-خەلیفە و خێزانەكەی دوورخرانەوە و مولك و ماڵیان دەستی بەسەرداگیرا .

❹ دەستوری ساڵی1924 و گۆڕینی ژیانی سیاسی لەتوركیا :

1-ئەنجومەنی نیشتمانی گەورە لە ( 20/نیسانی/1924 ) دەستوری نوێی پەسندكرد،وەدووپاتی كردەوە كەدەسەڵاتی باڵا بۆ میللەتە .

2-ئەنجومەن دەسەڵاتی دەركردنی یاسای هەیە و هەردوو دەسەڵاتی یاسادانان و ڕاپەڕاندن دەگەڕێنەوە بۆ ئەنجومەن .

3-هەڵبژاردنی سەرۆكی دەوڵەت لەنێوئەندامان و بەخشینی متمانە بەحكومەت .

4-لە ماددەی( 2 )م ئاماژە بەوەدەكات كەزمانی توركی زمانی فەرمی ووڵاتە، وەلە ماددەی( 88 ) هاتووە هەموو دانیشتووانی توركیا بەتورك دادەنرێن،بەم شێوەیە هەبوونی كورد لەتوركیا بەهەموو شێوەیەك ڕەتكرایەوە .

❺ دامەزراندنی دەوڵەتێكی عەلمانی وەكو ڕۆژئاوا :

1-ساڵی 1925 یاسای لەسەركردنی شەپقە دەركرا .

2-لە2/ئەیلول تەكیە و زاویەكان داخران،پیاوەئاینیەكان دەبووایە جلی ئاسایی لەبەربكەن و شەپقەلەسەربكەن .

3-سعات و تەقویمی نێودەوڵەتی قبوڵ كرا .

4-یاسای نازناو و هەڵگرتنی پاشكۆی پاشا و ئاغا هاتەئاراوە .

5-چەندین بڕیار سەبارەت بەئافرەتان دەركرا .