ئەم هەواڵە بڵاوبكەوە
FaceBook  Twitter  

1-ڕووداوەكانی دوای جەنگی دووەمی جیهان ناڕاستی تیۆرەكەی هاوزهۆڤەریان سەلماند بەوەی كەدەگوت ژیان و مانەوە تەنها بۆ دەوڵەتەگەورەكانەودەوڵەتە بچووكەكان جگەلەنەمان هیچ دەورێكی تریان لەبەردەم دانیە كەچی دوای ئەم جەنگەچەندین دەوڵەتی قەبارەبچووك وەك(هۆلندا و یابان و بلجیكا و دانیمارك وسویسرا) دەركەوتن و خەلكەكانیشیان لەگوزەرانێكی باش دا دەژین .

2-بۆچوونی خۆبژێوی كەشوێنێكی دیاری لەتیۆرەكەی داگیركردووە لەگەڵ واقیع دا ناگونجێ چونكە دەوڵەتان چەند گەورەبن ناتوانن بگەنە حاڵەتی خۆبژێوی ئەگەر مەبەستی هاوزهۆڤەر داگیركردنی فراوانترین ڕووبەری جیهان بێت بەبیانۆی گەیشتن بەم حالەتە . 

3-گەشەكردنی دەوڵەت لەهەموو حالەتێكدا پەیوەست نیە بە زۆربوونی ژمارەی دانیشتوان وەك هاوزهۆڤەر لە تیۆرەكەیدا ئاماژەی بۆ كردووە بەلكو زۆربەی جار زۆربوونی دانیشتوان شتێكی پێویستە بۆ دەوڵەت بۆ ئەوەی لە ڕێگەی ئەم زۆبوونە بتوانی سامانە سروشتیەكانی وڵاتەكە وەبەربهێنێ چونكە هەندێ ووڵات بە دەست كەمی ژمارەی دانیشتوان دەنالێنن..

4-هاوزهۆڤەر لە تیۆرەكەی كەمتر گرنگی بەهێزی ئاسمانی دەدات وەك دەزانین هێزی ئاسمانی ڕۆلێكی گەورەیی بینی لەجەنگی دووەمی جیهان، وەیەكێك لە هەڵە گەورەكانی هاوزهۆڤەر ئەوەبوو كەهەردوو كیشوەری ئەمریكای بەپاشكۆ داناوە دیارە ئەم بۆچوونەی هاوزهۆڤەر ڕەنگدانەوەی لەسەر بیركردنەوەی سیاسەت مەدارو جیۆپۆلۆتیك ناسەكانی ئەلمانیا و یابان واتە پلانە ستراتیجیەكانیان لەسەربنەمای بۆچونەكانی هاوزهۆڤەر داڕشتووە بەوەی كە هەولیان داوە ئەلمانیا و یابان هێزیكی دەریایی گەورە دروست بكەن بۆ ئەوەی لەڕێگەیەوە وولاتەیەكگرتوەكانی ئەمریكا داگیربكەن جگەلەوەی یابانییەكان هەولیان نەداوە كە گەرووی بێرنگ وئاڵاسكاو كەندا داگیربكەن تا ئەو كاتە هێزی وولاتەیەكگرتووەكانی ئەمریكا لەم ناوچانەدا نەبوو .