ئەم هەواڵە بڵاوبكەوە
FaceBook  Twitter  

هەرێمی كوردستان لەئێستادا یەكێكە لەشوێنەگرنگەكانی یەدەگی نەوتی جیهان،كەخاوەنی ( 57 ) بلۆكی

نەوتیەبەپێی ڕاپۆرتی وەزارەتی سامانەسروشتی یەكانی حكومەتی هەرێمی كوردستان كەبەشێوەیەكی گشتی دابەش

دەبێت بەسەرهەرسێ پارێزگای هەرێمی كوردستان (هەولێر-دهۆك-سلێمانی ) لەگەڵ بەشێك لەناوچەكوردستانیەكانی

دەرەوەی هەرێم

 

1- بلۆكی تەق تەق:

لە زێی بچووكەوە تا سەر ڕووباری باسەرە درێژ دەبێتەوە، و شاری چەمچەمال لە سەر ئەم بلۆكەیە، ڕوبەرەكەی (1169) كم2، جگە لە نەوت كێلگەیەكی گەورەی گازی تێدایە، كە درێژییەكەی نزیكەی (80) كیلۆمەتر و پانیەكەی پتر لە (10)كیلۆمەترە، بڕی (3) تریلیۆن مەتر سێجا گازی تێدایە،كە لە یەدەگی گازی ووڵاتی (كازاخستان) زیاترە، دوو بیری كۆنی تێدایە و مەزەندەی بڕێكی زۆر لە نەوت دەكرێت، دیزاینی شارێكی گەورەی پیشەسازی كراوە بە ڕوبەری (41)كیلۆمەتر چوارگۆشە بە بڕی وەبەرهێنانی (40) ملیار دۆلار لە قۆناغی یەكەمدا بە هۆی یەكلایی نەبوونەوەی یاسای نەوت وگازەوە نەچوەتە بواری جێ بەجێ كردنەوە .

2-بلۆكی سارتا:

دەكەوێتە رۆژ ئاوتی ناحیەی مەسیف وخواروی ئاكرێ ڕوبەرەكەی (607) كم2 بری (1) ملیار بەرمیل نەوتی تێدایە بیرێكی تێدا لێدراوە.

3-بلۆكی هەولێر دمیر داخ:

شاری هەولێرو دەشتی هەولێرو رێگای مەخمور و ناحیەی كەلەك دەگرێتەوە ڕوبەرەكەی (1531)كم2 لەدەمیر داغی خۆر ئاوای هەولێر (2) بیر لێدراوە بڕی یەك ملیار بەرمیل نەوتی تێدایە.

4-بلۆكی ئەربیل:

دەكەوێتە باكوری خۆر ئاوالی هەولێر و ناوچەی بەستۆرە و ڕوبەرەكەی (313)كم2(3)بیری لێدراوە پێشبینی یەدەگی (1)ملیار بەرمیل نەوتی لێی دەكرێت.

5-بلۆكی خورمەلە:

دەكەوێتە باشوری خۆر ئاوای شاری هەولێر و درێژكراوەی كێلگەی كەركوكە كەهەردووناوچەی خورمەلەو ئاڤانەی خورمەلەدەگرێتەوە، ڕوبەرەكەی (355)كم2، (8) بیر لێدراوە پتر لە (80000)هەزار بەرمیل نەوت رۆژانە دەردەهێنرێت لەپالێوگەی خەبات دەپالێەرێت بەهاتنی سالی (2016)چاوەروان دەكرێت بری بەرهەمی رۆژانەی بگاتە (150000)هەزار بەرمیل،یەدەگی پالاوتنی بگاتە (100000) بەرمیل لەرۆژێكدا.

6- بلۆكی قوشتەپە:

لەقوشتەپەی خواروی هەولێرەوە دەست پێدەكات تا دوبزو پردێ ڕوبەرەكەی نزیكەی (1180)كم2 و پلان دانراوە بۆلێدانی بیر .

7-بلۆكی مەلائۆمەر:

دەكەوێتە باكوری خۆر هەلاتی هەولێرەوە، ڕووبەرەكەی (285)كم2 یەك بیری تێدا لێدراوە پێشبینی یەدەگی

(500)ملیۆن بەرمیل نەوت.

8-بلۆكی شۆرەش:

باكوری خۆر هەلاتی هەولێر وناحیەی دێگەلە تادەربەندی گۆمە سپان دەگرێتەوە ڕوبەرەكەی (526)كم2 لەقۆناغی گەڕان دایە بەدووای نەوت دا.

9-بلۆكی هەریر:

ناحیەی هەریرو بتكوری شەقلاوەتا سۆران دەگرێتەوە ڕوبەرەكەی (700)كم2 پلان دانراوە لەهەریرو میراوە بیر لێبدرێت بەپێی لێكۆڵینەوەكان كە تائێستا ئەنجام دراوە پێدەچێت نزیكەی ملیارێك بەرمیل نەوتی تێدابێت.

10-بلۆكی پیرمام:

سەنتەری ناحیەی پیرمام و سەری رەش و سەربەن دەگرێتەوە ڕوبەرەكەی (180)كم2 .

11-بلۆكی بنەباوی:

لەدەربەندی گۆمەسپانەوە تا ناوچەی هیران و نازەنین دەگرێتەوە، ڕوبەرەكەی (240)كم2 بەپێی راپۆرتی سكۆتیاكاپیتال بری زیاتر لەملیارێك بەرمیل نەوتی تێدایە و پێنج بیر لێدراوە . بەهاتنی سالی (2016)چاوەروان دەكرێت رێژەی هەناردەكردنی بگاتە (50000)بەرمیل لەرۆژێكدا . 

12-بلۆكی سەفین:

لەسەرچیای سەفینەوە تاهیزوپ دەگرێتەوە ڕوبەرەكەی نزیكەی (500)كم2 پلان دانراوە بیرێك لێبدرێت .