ئەم هەواڵە بڵاوبكەوە
FaceBook  Twitter  

ئاوێتەی دژەئارەقە Antiperspirants پێكهاتووە لە ئەلكهول و بۆن و ئاوێتەیەكی ئەلەمنیۆم. ئایا دەزانی كە ئاوێتەكانی دژەئارەقە لەجیاتی لابردنی بۆنی ئارەقە، لەوانەیە كە ببنە هۆی ناخۆشكردنی بۆنی لەش. ئاوێتەكانی ئەلەمنیۆم كە لە زۆربەی دژەئارەقەكاندا هەیە، دەبێتە ئەگەری لەناوبردنی بەكتریای سوودبەخشی سەر پێست و زیادبوونی گەشەی بەكتریای زیانبەخش كە بۆنی ناخۆش پەیدا دەكەن، هەروەها ئاوێتەكانی ئەلەمنیۆم كونی گلاندەكانی ئارەقە دادەخەن، لەوكاتەی كە ئارەقەكردن پێویستە بۆ رێكخستنی پلەی گەرمی لەش و رزگاربوون لە كانزا ژەهراوییەكانی وەكو قوڕقوشم و جیوە و ماددەی زیانبەخشی تر. میكانیزمی كاركردنی ئاوێتەكانی دژەئارەقە بریتییە لە رێگرتن لە كرداری ئارەقەكردن واتە راگرتنی توانای لەش بۆ رزگاربوون لە ماددەی زیانبەخش لە رێگای ئارەقەكردنەوە، بەمەشەوە ماددەی زیانبەخش لە گرێ لیمفاوییەكانی نزیك شوێنی بەكارهێنانی ئاوێتەی دژەئارەقە كۆدەبنەوە. ئەمەش روونكراوەتەوە كە بەكارهێنانی ئاوێتەی لابردنی بۆن Deodorant لە ئاوێتەی دژەئارەقە سەلامەتترە بۆ تەندروستی، ئاوێتەكانی لابردنی بۆن بە هۆی ئەلكهول كە لە پێكهاتەكەیاندایە بەكتریا لە شوێنەكەدا بۆ ماوەیەكی دیاریكراو لەناودەبەن، كەچی دژەئارەقە بە هۆی ئاوێتەكانی ئەلەمنیۆم كە لە پێكهاتەیاندایە كرداری ئارەقەكردن لە گلاندەكانی ئارەقەی پێستدا بۆ ماوەیەكی دیاریكراو رادەگرن.