ئەم هەواڵە بڵاوبكەوە
FaceBook  Twitter  

لە لێكۆڵینەوەیەكدا كە لە مانگی ئایاری ئەمساڵدا ئەنجام دراوە هاتووە كە زیاتر لە سێیەكی كچانی نەوجەوان لە وڵاتە یەكگرتووەكانی ئەمریكادا دوچاری خەمۆكی دەبنەوە كە دەكاتە 3 هێندەی كوڕانی نەوجەوان، هەروەها ئەگەری تووشبوون بە خەمۆكی لە كچانی نەوجەواندا لە تەمەنی 17 ساڵیدا دەگاتە نزیكەی 36%. بەگشتی ئەگەری تووشبوون بە خەمۆكی لە تەمەنی نەوجەوانیدا زیاد دەبێت لە كوڕ و كچدا، بەڵام رێژەی تووشبوونی كچی نەوجەوان بە خەمۆكی 11 جار بەرزترە. باكگراوندی كۆمەڵایەتی، بۆماوە، سروشتی بایۆلۆژیی ئافرەت، گۆڕان لە ئاستی هۆرمۆنەكاندا تا رادەیەكی زۆر رۆڵیان هەیە لە ئەگەری تووشبوونی كچی نەوجەوان بە خەمۆكی. كچ زیاتر لە كوڕ هەستیارە بۆ سترێس و فشارە دەروونییەكان، بە مانایەكی تر بزوێنەرەكانی سترێس كاریگەری زیاتر دەكەنە سەر كچی نەوجەوان، هەروەها ئەمەش روونكراوەتەوە كە كچی نەوجەوان گرنگی زۆر بە پێوەندییەكانی لەگەڵ هاوەڵ و هاوڕێكانی دەدات، بۆیە هەندێك جار كە هاوڕێیەكی نزیكی دوچاری خەمۆكی دەبێت ئەوا ئەگەر هەیە كە ئەویش دوچاری خەمۆكی بێت. كچی نەوجەوان زیاتر لە كوڕی نەوجەوان دوچاری ستیرێسی پەیوەندییە كۆمەڵایەتییەكان دەبێت، ئەمەش ئەگەری خەمۆكی زیاد دەكات. نیشانەكانی خەمۆكی لە كچی نەوجەواندا ئەمانەن: درێژبوونەوەی ماوەی سووڕی مانگانە بۆ 2 هەفتە یان زیاتر، دابەزینی مەزاج، وەرنەگرتنی چێژ لە چاڵاكییە خۆشەكاندا، خەوزڕان، ناڕحەتی، زیادبوون یان كەمبوونی كێشی لەش، هەستكردن بە تاوان Guilt، هەستكردن بە بێ بەهایی Worthlessness.پێویستە لەسەر دایك و باوك، مامۆستا، هەتا هاوڕێ كە درك بە نیشانەكانی خەمۆكی بكەن و بەدواداچوون بكەن ئەگەر تێبینی هەر نیشانەیەكی پەیوەست بە خەمۆكییان كرد لە كچێكی نەوجەواندا