ئەم هەواڵە بڵاوبكەوە
FaceBook  Twitter  

سپرای پاككەرەوە Cleaning sprays بەتایبەتی لە ئافرەتدا توانا و فرمانی سییەكان بە توندی تێكدەدات. لە لێكۆڵینەوەكی نەرویجیدا هاتووە كە توانای سییەكان ساڵانە نزیكەی 5 میللیلیتر كەم دەكات لەو ئافرەتانەی كە سپرای پاككەرەوە لە ماڵدا بە بەردەوامی بەكاردێنن، هەروەها توانای سییەكان ساڵانە 7 میللیلیتر كەم دەكات لەو ئافرەتانەی كە پیشەیان پاككردنەوەیە بە بەكارهێنانی سپرای پاككەرەوە و ماددەی كیمیایی تر. بەكارهێنانی سپرای پاككەرەوە زیانی زۆر بە سییەكان دەگەیەنێت، گەلێك ئافرەتیش دوچاری هەناسەتەنگی هاوشێوەی رەبو دەبن. پسپۆران جەخت دەكەنەوە كە ئەم زیانە یەكسانە بە زیانی كێشانی 20 جگەرە لە رۆژێكدا. لە لێكۆڵینەوەیەكی تردا هاتووە كە سپرای پاككردنەوە و ئاوێتەكانی تری پاككەرەوەی ناوماڵ هۆكارن بۆ 50%ی پیسبوونی هەوا لە شارەكاندا، بۆنموونە بكوژەكانی مێروو، پاككەرەوەی لابردنی بۆیە Bleach، ئاوێتەكانی فرێشنەر Freshener بۆ خۆشكردنی بۆنی ناوماڵ. ئەمەش روونكراوەتەوە كە ماددە كیمیاییەكانی ناو سپرای پاككەرەوە زیانی گەورە و سەخت بە سییەكان دەگەیەنن كە لەوانەیە ببنە ئەگەری هەوكردنی شانەی سییەكان Pneumonia. پسپۆران رێنمایی ئەوە دەكەن كە پێویستە دووركەویتەوە لە بەكارهێنانی سپرای پاككردنەوە بە هەموو شێوەكانی، بەكارهێنانی پارچە قوماشێكی مایكرۆفایبەر Microfibre بەسە بۆ سڕینەوە و پاككردنەوەی ناوماڵ.

  • 1