ئەم هەواڵە بڵاوبكەوە
FaceBook  Twitter  

 

 بڕیارە لە نیوەی یەکەمی ٢٠١٩دا، ئەو ئۆتۆمبێلانەی بە وزەی خۆر کاردەکەن بکەونە بازارەکانی جیهانەوە.

جێبەجێکاری ئەو پرۆژە تەکنەلۆژییە چەند کۆمپانیایەکی تایبەت بە بەرهەمهێنانی ئوتۆمبێلی ئەڵمانین، کە بە بارگەی کارەبا کار دەکەن و، بە وزەی خۆر بارگاوی دەبنەوە.

لەو بارەیەوە کۆمپانیا سۆنۆ، کە یەکێکە لە کۆمپانیا جێبەجێکارەکانی ئەو پرۆژەیە رایگەیاند، ئەو ئۆتۆمبێلە جگە لەوەی لەرێگەی پانێلێ خۆرییەکانەوە کە بە چواردەوری ئۆتۆمبێلەکاندا رووپۆشکراون، لەرێگەی وزەی کارەباشەوە دەتوانرێت بارگاوی بکرێنەوە.

دیارترین خاڵی لاوازی ئەو ئۆتۆمبێلانە ئەوەیە کە تەنها بە رەنگی رەش روپۆش دەکرێت، ئەوەش بەهۆی توانای بەهیزی رەنگی رەش بۆ هەلمژینی درێژە شەپۆلییەکانی شەپۆلی کارۆموگناتیسی و بەرهەمهێنانی وزەی کارەبایی، نرخی یەک"ئۆتۆمبێلی کارپێکەر بە وزەی خۆر" ١٦ هەزار یۆرۆیە، لە ئێستاوە پێنج هەزار داواکاری کڕینی هەیە.