ئەمە بڵاوبكەوە
FaceBook  Twitter  

ئەمڕۆ كاتژمێر (5)ی ئێوارە شانۆگەری (دوژمنی گەل)ی نووسەری ناوداری نەرویجی (هنریك ئەپسن) لە دەرهێنانی هونەرمەند (ئەرسەلان دەروێش) لە هەولێر نمایش دەكرێت، ئەم شانۆگەرییە بەرهەمی هونەری شانۆی سەر بە بەڕێوەبەرایەتی گشتی رۆشنبیری‌و هونەری هەولێرە، بە هاوبەشی لەگەڵا تیپی شانۆی سالار‌و بە هاوكاری پەیمانگای هونەرە جوانەكانی هەولێر پێشكەش دەكرێت،كە ژمارەیەكی بەرچاو لە شانۆكاران تیایدا بەشدارن و رۆڵی تایبەتی دەبینن.

وا بڕیارە ئەم شانۆگەرییە بۆ ماوەی چوار رۆژ بەردەوام بێت لە رۆژانە 9-9-2019 تاكو 12-9-2019 رۆژانە كاتژمێر (5)ی ئێوارە دەستپێدەكات، كە شوێنی نمایشەكەی دەكەوێتە هۆڵی مامۆستا فەرهاد شەریف نێو پەیمانگای هونەرە جوانەكانی هەولێر.