ئەمە بڵاوبكەوە
FaceBook  Twitter  

بۆ كەسانی ئاسایی هەفتانە 150-250 خولەك مەشقی وەرزشیی مامناوەندی كاریگەرە بۆ كۆنترۆلكردنی كێشی لەش و رێگرتن لە زیادبوونی كێش، كەچی بۆ كەسانی قەڵەو یان كەسانی خاوەن كێشی زیاد، ئەوا بەلای كەم هەفتانە پێویستە كە 250 خولەك مەشقی وەرزشیی مامناوەندی ئەنجام بدرێت، هەروەها ئەنجامدانی مەشقی زیاتری مامناوەندی یان توند رۆڵی زیاتری دەبێت بۆ دابەزاندنی كێش. بە مەبەستی خێرا دابەزاندنی كێشی لەش، گەلێك سەرچاوەی تر رۆژانە یەك كاتژمێر مەشقی مامناوەندی بەلای كەم هەفتانە 6 رۆژ واتە 360 خولەك بە گونجاو دەزانن. بە مەبەستی لەسەرخۆ و بەرە بەرە دابەزاندنی كێشی لەش، دەتوانرێت كە بەم شێوەیە مەشقی وەرزشی ئەنجام بدرێت: 3 رۆژ مەشقێكی توندی یەك كاتژمێری، 2 رۆژ مەشقێكی مامناوەندی و رۆژێك مەشقی سووك یان رۆژانە 30 خولەك مەشقێكی مامناوەندی یان توند واتە بەگشتی هەفتانە 200 خولەك. مەشقە گونجاوەكان بۆ كۆنترۆلكردن و دابەزاندنی كێشی لەش: پیادەڕۆیی خێرا Brisk walking، راكردن، مەلە، شناو Push ups، لێخوڕینی پایسكل.