ئەمە بڵاوبكەوە
FaceBook  Twitter  

دوای ئەوەی وێنەی كاسبكارێك لە شاری سلێمانی بە ماسك و دەسكێش بڵاوبۆوە، هونەرمەندی شێوەكاری ژاڵە سەیفەدین هەڵسا بە دروستكردنی وێنەی مام شەریف-ی كاسبكار، لە ئێستادا تابلۆكە تەواوبووە‌و چاوەڕێی كڕیارێك دەكات تا كۆی پارەكە بگەیەننە دەستی ئەو كاسبكارە، لە ئەكاونتی خۆشیدا ژاڵە سەیفەدین بەو شێوەیە باس لە كارەكەی دەكات: سوپاس بۆ خودای باڵا دەست كە توانیم كۆتایی بێنم بە تابلۆی هێمای پابەندی و خۆپارێزی هاوڵاتیەكی خەڵكی شاری سلێمانی بەڕێز (مام شەریف) بە پێوانەی 100x70 سم بە ڕەنگی زەیتی .. سوپاس بۆ فۆتۆگرافەری وێنەكە بەڕێز كاك (ناسح عەلی خەیات) كە دەرفەتی دام فۆتۆیەكەی دروست بكەمەوە وە هەروەها سوپاسی هونەرمەندی گەورە وخاوەن پڕۆژەی (هونەر لەپێناو مرۆڤایەتیدا) زۆر بەڕێز شێوەكار كاك (محمد اسماعیل).. وەك ڕامانگەیاند ئەم تابلۆیە دەخرێتە مەزادەوە و داهاتەكەی وەك ڕێزلێنانێك دەدرێت بە بەرێز (مام شەریف).. سوپاس بۆ پاڵپشتی و هاندانی یەكە بەیەكەتان.. هەر بەڕێزێك ویستی ببێتە خاوەنی تابلۆكە دەتوانێت بەشدار بێت لە ڕێ و رەسمی زیادكردنەكە.. دووبارە ڕێزو خۆشەویستیم بۆ هەمووتان.