ئەمە بڵاوبكەوە
FaceBook  Twitter  

بەهۆی خراپی باروگوزەرانی خەڵكی هەرێمی كوردستان، لێرەو لەوێ‌ دەبینین ئافرەتانیش شانبەشانی پیاوان لە كاركردن‌و پەیداكردنی لوقمە نانی ژیان هاتوونەتە مەیدان، ئەگەرچی لە پێشدا ئافرەتان هەر كاریان كردووە بەڵام كاری سەرشەقام‌و عارەبانە‌و سەندەویچ ‌و پاقلەو .... فرۆشتن تەنها پیاوان كردوویانە. لە گەڕەكی بەختیاری هەولێر دیمەنی دوو هاوسەر دەبینی بەیەكەوە كاردەكەن، بەناوی مەسعود‌و جیلان، هەر جەیلانیشە پێشنیاری بۆ هاوسەرەكەی كردووە كە عارەبانەیەكی دابنێن‌و شەربەتی سروشتی بفرۆشن، دوای راهاتنیان لە كارەكەیان ئێستا لە كاتژمێر 5ی ئێوارە بۆ شەوێكی درەنگ لەو گەڕەكە كاردەكەن.