ئەمە بڵاوبكەوە
FaceBook  Twitter  

 زۆرینەی كارەكانی لەبارەی ئازارەكانی ژنە لە زیندانەكانی دەوڵەتی توركیا، ئەو ماتریاڵانەی لە زیندان بەكاریهێناون، جلی كۆن و كارتۆن و پەڕەی ڕۆژنامەی وەك كانڤاس، گیاوگۆڵ، سوتەكی جگەرە و توێكڵی هەنار، گەڵا و تۆزی قاوە و تەنانەت خوێنی سوڕی مانگانەی بۆ ڕەنگەكان بەكار هێناوە، هەروەها فڵچەكانی بە پرچی ژنانی زیندان دروستكردووە. ئەمساڵ خەڵاتی كارۆڵ ڕامای ئیتاڵی لە بواری هونەردا بردەوە.

زەهرا دۆگان هونەرمەند و ڕۆژنامەنووسێكی باكوری كوردستانە، زەهرا بەهۆی ئیشە هونەرییەكانییەوە لە مانگی ٢٠١٧/٣ نزیكەی دووساڵ و دە مانگ سزادراوە. ئەو دەڵێ: '' لە جەنگدا هەمیشە ویستی تێكشكاندن و سڕینەوەی هەموو دۆكۆمێنت و ئاسەوار و یادەوەرییەكی شوێنە داگیركراوەكان هەیە، لە ڕێگەی سڕینەوەی ئەرشیفە مێژووییەكانمانەوە دەیانەوێ فڕێمانبدەنە ناو لەبیركردن و بیرچوونەوە و نەبوونەوە، بەڕێی وێنەكێشان و هێڵكاری لەسەر دۆكۆمێنەتەكان دەمەوێ ئەوان هەمیشەیی و نەمر بكەم.