ئەمە بڵاوبكەوە
FaceBook  Twitter  

دوای سەردانیكردنی بابا نوئێل بۆ خانەیەكی چاودێری بەساڵاچوان لە وڵاتی بەلجیكا، 18 كەس گیانیانلەدەستدا، دواتر دەركەوت بابا نوئێل توشی كۆرۆنا بووە و ڤایرۆسەكەی بۆ ئەو كەسانە گواستوەتەوە.

رۆژنامەی دەیلی مەیل بڵاویكردوەتەوە، ئەو پیاوە كە رۆڵی بابا نوئێلی بینیوە، پاش سێ ڕۆژ سەردانیكردنی بۆ خانەی چاودێری بەساڵاچوان لەشاری ئەنتۆیربی باكوری بەلجیكا دەركەوتوە هەڵگری ڤایرۆسی كۆرۆنا بووە.

بەرپرسانی تەندروستی بەلجیكا پشكنینی كۆرۆنایان بۆسەرجەم ئەو كەسانە كردوە كە لە خانەی بەساڵاچوان بون و دەركەوت، 121 كەسیان توشی ئەو ڤایرۆسە بون، پێنج كەسیشیان لەشەوی كریسمس گیانیان لەدەستدا، كۆی گشتی گیانلەدەستدانی خانەكەش بۆ 18 كەس بەرزبوەتەوە.

مارك ڤان رانست، مامۆستا لەزانكۆی لیفۆین رایگەیاند، پێدەچێت هۆكاری سەرەكی بڵاوبونەوەی خێرای كۆرۆنا لەو خانەیەی بەساڵاچوان بۆ نەبوونی هەواگۆڕكێ بگەڕێتەوە.