ئەمە بڵاوبكەوە
FaceBook  Twitter  

هەندێك خواردەمەنی كۆئەندامی بەرگری لەش بەهێز دەكات وە بەرگریەكی باش دروست دەكات دژی ڤایرۆس وهەوكردنەكان، سەرچاوە تەندروستیەكان ئاماژە بە چەند خواردەمەنیەك دەدەن كە بەرگری لەشی مرۆڤ بە هێز دەكات لەوانە.

- چای سەوز: دەوڵەمەندە بە ماددە “پۆلیفینۆل”، ئەو ماددەیەش بەوە ناسراوە كە دژە ژەهراویبوونە و، ڤایرۆسە بەربڵاوەكانی ئەنفلۆنزا و هەڵامەت لەناو دەبات.

- سیر: سیر نزیكەی ١٠٠%ـی ڤایرۆسەكانی لووت لەناودەبات كە دەبنە هۆی تووشبوونی مرۆڤ بە هەڵامەت و پژمین و بڵاوبوونەوەی ڤایرۆسەكانی كۆئەندامی هەناسەدان.

- پیاز: پیاز ماددەی “ئەلیسین” و ماددەی “كیرسیتین” لەخۆدەگرێت، كە ئەوەی دوایی هەڵدەستێت بە لەناوبردنی ئەو لینجەی لە سینگ كۆدەبێتەوە، بێجگە لەوەی كۆئەندامی بەرگری لەش بەهێز دەكات.

- زەنجەبیل: تام و چێژە گەرمەكەی زەنجەبیل سوودبەخشە بۆ كەمكردنەوەی سەرئێشان و هەوكردنی گەروو، یارمەتیدەریشە بۆ ڕزگاربوون لە لینجی سینگ بە ڕێگەی كۆكەوە، هەروەها زەنجەبیل یارمەتیدەرە بۆ خۆپاراستن لە ئەنفلۆنزا، هەروەكو سوودبەخشە بۆ ئازاری گەدە و ڕشانەوە و سەرئێشە.