ئەمە بڵاوبكەوە
FaceBook  Twitter  

كاتێك دەوروبەر كاریگەری خۆی لەسەر تاك جێدەهێڵێ‌ ئەوە ناچار دەبی ئەو كاریگەریانە هەڵڕێژی جا لەهەر روویەكەوە بێت، چاوی هونەرمەندو شاعیران لەم كاتانەدا شتە شاراوەكان دەبینێ‌ و دەخوازێ‌ ئەویش جێپەنجەی خۆی لەسەر جوانی سروشت و رووداوەكان هەبێت، (زەینەب ئیدریس) تەمەن 21 ساڵان كە قوتابی پەیمانگای هونەرەجوانەكانە، وەك شێوەكارێك سەرنجەكانی لەنێو رەنگەكاندا بەتاڵ دەكاتەوەو دەیانخاتە سەر ئەو پەڕە سپیانەی لەبەردەمیتی، ئەو بەجۆرێك كاردەكات حەزدەكەی بەردەوام بینەریان بیت، بۆیە رێگای كوردستان بەباشی زانی بەسەریكاتەوە:

دیمانە: هێرش مەغدید

لێمان پرسی رۆژانە بەچی سەرقاڵی؟ لە وەڵامدا زەینەب وتی:رۆژانە سەرقاڵم بە وێنەكێشانی تابلۆو هەروەها وێنەكێشان لەسەر روخساری منداڵان. پرسیمان كێ‌ پشتگیریت دەكات لەو كارانەی كە بۆ منداڵان دەیكەی؟ زەینەب وتی: ئامانجی من دڵخۆشكردنی منداڵانە خۆشەویستەكانی كوردستانە تا حەز بەوێنەكێشان و دونیای هونەری بكەن، چونكە منداڵ دونیایەكی پر لە جوانی و بەهرەی شاراوەیان تیایە، هیوادارم هەموو مناڵانی كوردستان حەزو ئارەزوی هونەریان هەبێت، چونكە هونەر ژیانێكی پر لەجوانیو هیوات پێدە بەخشێت. وە سوپاسی دایكوباوكم دەكەم كە زۆر یارمەتیان داوم لەكارو چالاكییەكانی رۆژانەمدا زۆر پاڵپشتمن لە كارە خۆبەخش و كارە هونەریەكانمدا .

لە درێژەی گفتوگۆیەكەماندا سەبارەت بە تابلۆكانی لێمان پرسی بۆچی تابلۆی ئافرەتەكان هەموویان پشتیان لە بینەرە؟ لە زۆربەی تابلۆكانم وادەبینرێت كە ئافرەت پشتی لەبینەرە ئامانج لەكارەكانم ئەوەیە كە لەكۆمەڵگای ئێمەدا زۆرێك لە ئافرەتان توانای دەرخستی رووخساری خۆیان نییە لەنێو كۆمەڵگا كە زۆر تواناو بەهرەو ئامانجیان هەیە، بەڵام ناتوانن دەریخەن و ئازادی رەهایان پێنەبەخشراوەو جورئەتی دەرخستینی تواناكانیان نییە.

ئەی سەبارەت بە كاری هونەری لە كوردستان بە گوێرەی پێویست رێزی لێگیراوە؟ یاخود بۆچی بینەر زۆر بە كەمی لە پیشانگا هونەرییەكان ئامادە دەبن؟ لەكوردستان تاڕادەیەكی باش هونەرمەندو هونەردۆستان گرینگیەكی باشیان بە هونەرەكان داوا بەڵام زۆر كەم لە لەچاوی بینەر گرینگی پێدراوە بەشتێكی لاوەكی لێی دەڕواننو گرنگی پێنادەن، .بەشێكی دیكەشی هۆكارەكەی دەگەڕێتەوە بۆ هاوردەكرنی كاری هونەری دیكە بۆ هەرێمەكەمان و كەم گرینگیدان بەكارە هونەرییە خۆماڵیەكان ئەمەش بۆتە هۆكارێك بۆ كەمبوونەوەی بینەر لە پێشانگاكان .

سەبارەت بە دەرچووانی پەیمانگا پرسیارمان كرد،بەشێكی زۆر لە كچان لە پەیمانگا دەرچوونە، بۆچی بەردەوام نابن لەسەر كارە هونەرییەكانیان؟ لە وەڵامدا زەینەب بەو شێوەیە وەڵامی داینەوە: بەشێكی زۆر لەو ئافرەتو كچانەی كە بەهرەی هونەریان هەیەو قوتابی كۆلێژ یاخود پەیمانگای هونەرە جوانەكانن پێویستە بەردەوام بن لە كارە هونەریەكانو بەرەو پێشی ببەن، بەڵام بەداخەوە لەدوای تەواو كردنی خوێندنەكەیان ناتوانن بەردەوام بن ئەمەش هۆكارەكەی دەگەڕێتەوە بۆ ئەوەی ژیانی هاوسەرگیری دەكەنو بژێوو مەعاناتی ژیان و كاتی كەمیان بەدەستەوەیە بۆ هونەرەكەیان ئەمانە بۆتە هۆكاریك رێگەیان پێنادات بەردەوام بن. یاخود كۆمەڵگای ئێمە كە زۆر بەكەمی ڕێگادەدەن ئافرەت و كچ دیاربن و كارەكانیان نیشان بدەن. وا دەبینن بەچاوێكی نزم یاخود كەم بایەخ لێیان دەڕوانن، پێویستە بینەر بەچاوێكی بەرز لە هونەرمەندو بەهرەمەندان بڕوانێت تا بتوانن بەردەوام و لێهاتووتر بێت ببێتە هۆكاری پاڵپشتێكی گرینگ لە كارە هونەریەكانیدا . یاخود بینەر رێز لەهەموو كارە هونەریەكان بگرێت چونكە هونەر بناغەی دەستپێكردنی هەموو سەرەتایەكە. دەخوازم هەموو گەنجە بەهرەمەندەكانی كوردستان گرنگیەكی تەواو بە هونەرەكەیان بدەن و بەرەو پێشی ببەن، چونكە هونەر ژیانێكی نوێ دەبەخشێتە روحی مرۆڤ و دەبێتە ئاسوودەی مێشك، چونكە زۆرێك لەشتەكان ناتوانیت بەزمان دەری ببڕیت بەڵكو لە رێگای هونەرەكەت دەتوانی نیشانی بدەیت.

No description available.

No description available.

No description available.

No description available.

No description available.