ئەم هەواڵە بڵاوبكەوە
FaceBook  Twitter  

دیمانە/ رابەر مەغدید

سۆما عەلی لە دایكبووی 1993 ی شاری سلێمانییەو ئێستاش هەر لە سلێمانی ژیان بەسەر دەبات و قۆناغی یەكەمی كۆلێژی پەروەردەی وەرزشە لە زانكۆی سلێمانی، لە دیدارێكی تایبەت بەر رێگای كوردستان، وەڵامی چەند پرسیارێكی دینەوە..

*چۆن بوو یاری تۆپی دەستت هەڵبژارد، واتە ئارەزوو بوو؟

-یاری تۆپی دەست یەكێكە لە یاریە پڕ چێژەكان وە سەرەتا لە ڕێگەی یاری خوێندنگاكانەوە چومە ناو یاری تۆپی دەست و لەوێوە بەردەوام بووم.

*لەكەیەوە دەستت بەیاریكردن كردووە؟

-لە ساڵی 2008 وە دەستم بە یاریكردن كردووە.

*سەرەتا لەچ یانەیەك یاریت ئەنجامدا

-سەرەتا لە یانەی سیروانی نوێ دەستم پێ كرد.

*كێ‌ هاندەرت بوو كە ببیتە یاریزان؟

-حەزو ئارەزووی خۆم تاكە هاندەرم بوو هەرچەندە بەبۆنەی خوێندن زۆر ڕێگری ئەهاتە بەر دەمم لە سەرەتادا، بەڵام حەزو ئارەزوم پاڵپشتم بوو كە رووبەڕووی هەموو ئاستەنگیەكان ببمەوەو بەردەوام بم هەرچەندە بە بۆنەی پێكانەوە بۆ ماوەی چەن ساڵێك دابڕام، بەڵام دواجار گەڕامەوەو پەیوەندیم كرد بەیانی ئەفرۆدێت و تا ئێستاش لەو یانەیە بەردەوامم.

*هەستت چۆن بوو كە بانگهێشتكرای بۆ هەڵبژاردەی عێراق؟

-ئەوە خەونی هەموو یاریزانێكە كە ببینێ‌ ئاستی بەرەو پێش ئەچیت تا وای لێ دێت بانگێشتبكرێ بۆ ڕیزی هەڵبژاردەی عێراق.

*چەند نازناوی ناوەخۆیی و دەرەكیت بەدەستهێناوە؟

-ساڵی 2016 توانیمان لەگەڵ یانەی ئەفرۆدیت ببینە خاوەنی پلەی یەكەمی كوردستان وە هەمان ساڵ بوینە خاوەنی پلەی سێیەم لەگەڵ هەڵبژادەی عیراق .

*كلتوری نەبۆتە رێگڕ بۆ بەدەستهێنانی خەونەكانت؟

-سوپاس بۆ خانەوەداكەم كە هیچ كات نەیان هێشتوە كلتور ڕێگر بێت لەبەردەم خەونەكانم.

*وەرزش هۆكارە بۆ جوانی و رێك پۆشی؟

بێگومان وەرزش فێری زۆر شتت ئەكات لە ژیاندا وە گرنگترینیان جوانی و ڕێك پۆشیە.

-هاندەری كام یانەی جیهانی و بەكام یاریزان سەرسامی؟

هاندەری یانەی بارسێلۆنام زۆر سەرسامم بە یاریكردنی ئینێستاو چاڤی و رۆنالدینۆ.

*چیت هەیە بۆ هەوادارنت؟

-من سوپاسی هەر كەسێك دەكەم كە رۆژێك لە رۆژان شتێكی فێری من كردوەو یارمەتی دەرم بووە لە سەركەوتنەكانم و پشتگریان كردووم.