ناوەندی راگەیاندنی هێزەكانی سووریای دیموكراتی (هەسەدە) رایگەیاند، لە شەڕی 24 كاتژمێری رابردووی قۆناغی كۆتایی هەڵمەتی گەردەلوولی جەزیرەدا 14 چەكداری داعش كوژراون.

هەسەدە لە راگەیەندراوێكدا ئاماری شەڕی 24 كاتژمێری رابردووی قۆناغی كۆتایی هەڵمەتی گەردەلوولی جەزیری ئاشكرا كرد و رایگەیاندووە، لە گوندی باخۆزی سەروو شەڕ بەردەوامە و 14 چەكداری داعش كوژراون.

ئاماژە بەوەكراوە، لە شەوی شەممە شەڕ لە گوندی باخۆزی سەروو بەردەوامە، چەكداران هەوڵیانداوە بەرەو ئەو خاڵانە پێشڕەوی بكەن كە هێزەكانیان ڕزگاریان كردوون، بەڵام شكستیان هێناوە.

هەسەدە ئەوەشی خستووەتەڕوو، چەكداران لە هێرشەكەیاندا ماتۆڕ، و هاوەن و تۆپهاوێژیان بەكارهێناوە، لەم شەڕەدا ژمارەیەك چەكداری داعش كوژران و دوو شەڕڤانیش برینداربوون.

ناوەندی راگەیاندنی هێزەكانی سووریای دیموكراتی (هەسەدە) رونیكردووەتەوە، هێزەكانمان پێشڕەوییان كردووە و چوار خاڵیان لەنێو گوندی باخۆز ڕزگار كردووە، لە هەمان كاتدا، هێزەكانیان لە كۆڵانە سەرەكییەكانی گوندەكەدا پێشڕەوییان كردووە.

 

رێکخراوی هەنگاو بۆ مافەکانی مرۆڤ رایگەیاند: لە مانگی رابردوودا 16 کۆڵبەری کورد لە سنورەکانی باشور و رۆژهەڵاتی کوردستان گیانیان لەدەستداوە و بریندار بوون.

بەپێی ئامارێکی رێکخراوی هەنگاو بۆ مافەکانی مرۆڤ تەنها لە مانگی تەموزدا حەوت کۆڵبەری کورد گیانیان لەدەستداوە و نۆ کەسیش بریندار بوون.

بەپێی ئەو ئامارە چوار کۆڵبەر بە تەقەی راستەوخۆی هێزە ئەمنییەکانی ئێران کوژراون، دوو کۆڵبەر بەهۆی رووداوی هاتوچۆ و کۆڵبەرێکیش بەهۆی جەڵتەی دڵەوە گیانیان لەدەستداوە.

هەنگاو ئاماژەی بەوەشکردووە، ئەو چوار کۆڵبەرەی کە بەتەقەی راستەوخۆ کوژراون خەڵکی پارێزگای ورمێ بوون و هەروەها دوو کۆڵبەر لە پارێزگای سنە و کۆڵبەرێکیش لە پارێزگای کرماشان گیانیان لەدەستداوە.

ئاشکراشی کردووە، لە کۆی ئەو نۆ کۆڵبەرەی کە بریندار بوون، حەوت کەسیان بە تەقەی راستەوخۆی هێزە چەکدارەکانی ئێران، کەسێکیان بە هۆی تەقینەوەی مین و کەسێکیشیان بە هۆی بەربوونەوە لە بەرزایی بریندار بوون.

لەماوەی رابردوودا و لە ڕێگا سەخت و پڕمەترسیدارەکانی سنورەکانی نێوان باشور و رۆژهەڵاتی کوردستان بە دەیان کۆڵبەری کورد گیانیان لەدەستداوە کە زۆربەیان بە تەقەی راستەوخۆی هێزە ئەمنییەکانی ئێران کوژراون.

بریار محەمەد

پاش نیوەڕۆی ئەمڕۆ سێشەممە 31ی تەموزی 2018، ئاگر لەكەمپی ئاوارەكانی گوندی تازەدێی نێوان شارۆچكەی كەلاری ناوەندی ئیدارەی گەرمیان و شارۆچكەی دەربەندیخان كەوتەوە.

بێستون ژاڵەیی، بەرپرسی كاروباری مرۆیی لە ئیدارەی گەرمیان، بە (رێگای كوردستان)ی راگەیاند، " پاش نیوەڕۆی ئەمڕۆ سێشەممە 31ی تەموزی 2018 ئاگر لەكەمپی ئاوارەكانی گوندی تازەدێی نێوان شارۆچكەی كەلاری ناوەندی ئیدارەی گەرمیان و شارۆچكەی دەربەندیخان كەوتوەو بەو هۆیەوە ماڵێك بەتەواوەتی سوتاو كەسی یەكەمی ئەو ماڵەش بەهۆی تەنگەنەفسیەوە رەوانەی نەخۆشخانەكرا.

بەرپرسی كاروباری مرۆیی لە ئیدارەی گەرمیان راشیگەیاند، " تەقینەوەی غاز لەگەرما خۆكاری كەوتنەوەی ئاگرەكە بووە".

لەماوەی 2ساڵدا ئەوە دووەم جارە ئاگرلەو كەمپە كەدەكەوێتەوە ئەو تا ئێستا 10 ماڵ سووتاوە.

Image may contain: 1 person, outdoor

Image may contain: 1 person, standing

Image may contain: 2 people, people standing

راوێژکارێكی وەزارەتی پێشمەرگەی حكومەتی هەرێمی كوردستان رایدەگەیەنێت، ئەمریکا بۆ ئەمساڵ و ساڵی داهاتووش بڕێک پارەی بۆ هێزەکانی پێشمەرگە تەرخان کردووە.

رۆژی سێشەممە 31ی تەموزی 2018 لیوا بەختیار محەمەد راوێژکاری وەزارەتی پێشمەرگەی حكومەتی هەرێمی كوردستان بە رۆژنامەنووسانی رایگەیاند، پارەکەی ئەمریکا بۆ هێزەکانی پێشمەرگە لە هی هەموو هێزەکانی هاوپەیمانانە.

لیوا بەختیار محەمەد باسی لەوەشكرد، "هێزەکانی هاوپەیمانان لە چوارچێوەی هێزە عێراقییەکاندا یان بەجیا هاوکاریی پێشمەرگە دەکەن".

ناوبراو ئەوەشی خستەروو، پارەکە بۆ دابینکردنی موچه‌ی هێزه‌کانی پێشمه‌رگەیە که‌ مانگانه‌ به‌پێی پێویستی موچه‌ پاره‌ی ده‌خستە سه‌ر ژماره‌ حسابی وه‌زاره‌تی پێشمه‌رگه‌وه‌.

لیوا بەختیار محەمەد راوێژکاری وەزارەتی پێشمەرگە


به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان ره‌وشی كه‌ش وهه‌واو پله‌كانی گه‌رمای بۆ ئه‌مڕۆ و سبه‌ینێ چوارشه‌ممه‌ بڵاوكردەوە