دۆناڵد تره‌مپی سه‌رۆكی ئه‌مریكا ئه‌مڕۆ یه‌كشه‌ممه‌ 15ی ته‌مموزی 2018، به‌مه‌به‌ستی به‌ستنی یه‌كه‌م كۆبوونه‌وه‌ی له‌گه‌ڵ ڤلادیمێر پوتین، گه‌یشته‌ هلسنكی پایته‌ختی فینله‌ندا.

بڕیارە لە کۆبوونەوەی دۆناڵد ترەمپ و ڤلادیمێر پووتیندا قەیرانی سووریا و گەمارۆکانی سەر ئێران و هەروەها کێشەکانی ئۆکراینا لە بابەتی سەرەکی گفتوگۆکان بن.

 

سکرتێری کۆمیتەی ناوەندی حیزبی شیوعی عێراق رایدەگەینێت خەڵکی باشوور و ناوەڕاستی عێراق هیوایەکیان نەماوە و بێئومێدبوونە لەوەی رەوشیان باشبکرێت. مەترسی ئەوە هەیە ئەو خۆپیشاندانانە رەهەندی سیاسی وەربگرێت، بۆیە داوا لە حکومەت و خۆپیشاندەران دەکات پەنا نەبەنە بەر تووندوتیژیی.

رائید فەهمی، سکرتێری کۆمیتەی ناوەندی حیزبی شیوعی عێراق، لە میانی بەشداریکردنی لە گەشتی هەواڵەکانی كاتژمێر 8:00ی تۆڕی میدیایی رووداو، سەبارەت بە چۆنیەتی مامەڵەکردنی حکومەتی عێراق لەگەڵ خۆپیشاندانەکانی باشوور و ناوەڕاستی عێراق، رایگەیاند: "ئەو خۆپیشاندانانە لە ئەنجامی نەبوونی هیوایە، خەڵکی ئومێدێکیان نەماوە بۆ ئەوەی رەوشەکە باشتر ببێت، ئەگەرچی بەڵێنیانداوە، بەڵام هیچیان جێبەجێ نەکردووە، لایەنی جێبەجێکار لەو پارێزگایانە هەموویان رایانکردووەو هەڵاتوون".

رائید فەهمی، ئاماژەی بۆ ئەوەشكرد: "حکومەت رێگایەکی لەبەردەمە بۆ ئەوەی بە جددی کاربکات بۆ جێبەجێکردنی داواکارییەکانی خەڵک لەو پارێزگایانەی خۆپیشاندانی تێدا بەڕێوەدەچێت، ئەمەش خاڵێکی گرنگە بەتایبەتی لە گەیاندندنی کارەبا و ئاو".

سکرتێری کۆمیتەی ناوەندی حیزبی شیوعی عێراق، وتیشی: "مەترسی ئەوە هەیە ئەو خۆپیشاندانانە رەهەندی سیاسی وەربگرێت، ئەو رێکارانەی لەوبارەوە گیراونەتەبەر رێکاری تەندروست نین وەکو خستنە حاڵەتی ئامادەباشی هێزە ئەمنییەکانەوە".

حیزبی شیوعی عێراق لە هەڵبژاردنەکانی پەرلەمانی عێراق کە لە 12-5-2018 بەڕێوەچوو، بەشێک بوو لە هاوپەیمانی سائیروون، سەبارەت بە هەڵوێستی لیستەکە رائید فەهمی، گوتی: "ئێمە پشتگیری لە داوا رەواکانی گەل و خۆپیشاندانی ئاشتیانە دەکەین، داوا لە حکومەت دەکەین سەلامەتی خۆپیشاندەران بپارێزن بەبێ ئەوەی تووندوتیژی بەکار بهێنن، داوا لە خۆپیشاندەرانیش دەکەین بەهیچ شێوەیەک پەنا نەبەنە بەر توندوتیژی، چونکە توندوتیژییەکان هێزی خۆپیشاندانەکان لاواز دەکات".

بەهۆی ناجێگیری بارودۆخی ئەمنییەوە قه‌ده‌غه‌ی هاتوچۆكردن له‌ چەند پاریزگایەکی عێراق راگەیەندرا.

میدیا عێراقییەکان بڵاویان کردوە دوای ئەوەی هاوڵاتیان بۆ داواکرنی مافەکانی خۆیان رژانە سەرشەقامەکان و بەوهۆیەوە گرژی و ئاڵۆزی لە نێوان خۆپیشاندەران و هێزە ئەمنییەکان دروستبوو و هەریەک لە پارێزگاکانی به‌سڕه‌، كه‌ربه‌لا و نه‌جه‌ف، قەدەغەی هاتوچۆ راگەیەندرا.

لە ئەنجامی خۆپیشاندانەکانی دوێنێدا ژماره‌یه‌كی زۆر خۆپیشانده‌ر، بریندار بوون و پێشتریش دوو خۆپیشانده‌ر به‌ ته‌قه‌ی هێزه‌ ئه‌منییه‌كان و میلیشیای حزبه‌ شیعه‌کان، كوژران، دواتر خۆپیشانده‌ران توانییان بچنه‌ نێو باره‌گای پارێزگای كه‌ربه‌لاوه‌.

هەروەها لە شاری نه‌جه‌فیش،خۆپیشانده‌رێك كوژرا و 8 خۆپیشانده‌ری تریش لە کاتی هەوڵدان بۆ چونە نێو باره‌گای عه‌سائیبی ئه‌هلی حه‌ق، به‌سه‌رۆكایه‌تی قه‌یس خه‌زعه‌لی، بریندار كران، هاوكات ده‌سه‌ڵاتدارانی نه‌جه‌ف، كاره‌بای نیشتمانییان له‌هاووڵاتییان پچڕاند.

 

رێگای كوردستان

ئەمڕۆ یەك شەممە 2018/7/15، جەماوەری ناڕازی بەسرە، بەخۆپیشاندانێكی فراوان وەڵامی حەیدەر عەبادی یان دایەوە و چوونەتەناو ئەنجومەنی پارێزاگای بەسەرە.

هەروەها تەواوی ئەو رێگایانەیان داخست كە دەچێتە ناو ئەنجومەنەكە.

خۆپیشاندەران داوای خزمەتگوزاری و گەیاندنی بەشێك لە داهاتی نەوتی پارێزگاكەیان دەكەن و دەخوازن لاوە بێكارەكانی بەسەرە لە كۆمپانیاكانی نەوت دابمەزرێن.

پاش فراوانبوونی بازنەی خۆپیشاندانەکان کە زۆرینەی پارێزگاکانی عێراقی گرتەوە، حەیدەر عەبادی، سەرۆکوەزیرانی عێراق بڕیاریدا ٣.٥ تریلیۆن دینار بۆ بەسرە تەرخان بکرێت و پارەکە بۆ باشکردنی کەرتی ئاو و تۆڕی کارەبا و کەرتی تەندروستی خەرج دەکرێت.

 هەروەها بڕیاریدا، کە کەرتی وەبەرهێنان لەو پارێزگایانە فراوان و خێرا بکرێن بە تایبەت لە بوارەکانی نیشتەجێبوون و پەروەردە و خزمەتگوزاریەکاندا.

لە بڕیارێکی دیکەی عەبادیدا هاتووە، ئاوی زیاتر بۆ پارێزگاکانی بەسرە و زی قار و موسەننا و دیوانیە بەردەدرێتەوەو هەلی دامەزراندنیش  بۆ بێکارەکان دەڕەخسێنرێت لەگەڵ هەڵوەشاندنەوەی ئەنجومەنی بەڕێوەبردنی فرۆکەخانەی نەجەف.

ماوەی چەند رۆژێکە بەهۆی نەبوونی خزمەتگوزاریی نەبونی دەرفەتی کار و کێشەکانی ئاو و کارەباوە خۆپیشاندان لە شارەکانی باشوری عێراق سەریهەڵداوە و شەوی ڕابردووش لە بەغدای پایتەخت خۆپیشاندان دەستیپێکرد، بەوهۆیەشەوە لە پاش نوەڕۆی رۆژی شەممەوە هێڵەکانی ئینتەرنێت و تۆڕە کۆمەڵایەتییەکان لە سەرتاسەری عێراق و هەرێمی کوردستان ڕاگیراون.