ئەمە بڵاوبكەوە
FaceBook  Twitter  

نەوت یەكێكە لە سەرچاوە گرنگەكانی وزە وە یەكێكە لە گرنگترین سەرچاوە سروشتییە ئابووریەكان بە تایبەتی لە جیهانی ئەمرۆدا .لە رووی پێكهاتەوە نەوت دادەنرێت بە مادەیەكی هایدرۆكاربۆنی كە پێكهاتووە لە هایدرۆجین و كاربۆن، لەگەڵ چەندین مادەی تر وەك ئۆكسجین ونایترۆجین و گۆگرد وقیر و كانزایی تر، زاراوەی پەتڕۆل (Petroleum) ووشەیەكی لاتینییەو لەساڵی 1526 بەكارهاتووە, لە دوو برگەپێكهاتووە (Petra) بەمانای بەردو (Olume) بەمانای ڕۆن یان چەوری دێت، (Petroleum) بەشێوەیەكی گشتی بەكاردێت بۆ هەموو كەرستە هایدرۆكاربۆنیەكان كە بەشێوەیەكی سروشتی پێكهاتوون ,بەڵام بەمانای بازرگانیەكەی بەبەشی شلەمەنی دەوترێت (ڕۆن یان نەوتی خاو) و بە بەشی ڕەقەكەی دەوترێت (Bitumen or Asphalt).