رۆب واڵەر، کونسوڵی گشتی ئەمریکا لە هەولێر ڕۆب واڵەر كۆمەكێكی دارایی بەبڕی 500 هەزار دۆلار بۆ پارێزگاریکردنی دەرگای بادینان لە شارۆچکەی ئامێدی راگەیاند.

کونسوڵخانەی ئەمریکا لە هەولێر لەراگەیەندراوێکدا بڵاویکردەوە، ڕۆب والەر، کونسوڵی گشتی لە سەردانەکەیدا بۆ ئامێدی مینحەیەکی دارایی وەزارەتی دەرەوە ئەمریکای بە بڕی (پێنجسەد هەزار دۆلار)ی ڕاگەیاند، بۆ نۆژەنکردنەوە و پاراستنی دەروازەکە تەرخان کردووە

كۆمەكی دارایی ئەمریكا بۆ ئامێدی دوای ئوەهات كە، کونسوڵی ئەمریکا سەردانی شوێنەواری کلتوری و مێژویی دەروازەی بادینانی کردووە.

ئاماژەی بەوەشکردوە، حکومەتی ئەمریکا سورە لەسەر پارێزگاریلێکردن و نۆژەن کردنەوەی ئەم کەلەپورە کلتوریە ناوازەیە و زۆر خۆشحاڵە بە کارکردن لەگەڵ کوردانی هاوڕێمان بۆ بەدەستهێنانی ئەم ئامانجە.

وه‌زاره‌تی ته‌ندروستی و ژینگه‌ی عێراق له‌راگه‌یه‌ندراوێكدا بڵاویكرده‌وه‌، له‌ 24 كاتژمێری رابردودا 7810 (حه‌وت هه‌زار و هه‌شتسه‌د و ده‌) توشبوی نوێی كۆرۆنا تۆماركراون و كۆی گشتی توشبوان گه‌یشته‌ 956.860 (نۆسه‌د و په‌نجاو شه‌ش هه‌زار و هه‌شتسه‌د و شه‌ست) توشبو.

راگەیەندراوەكە ئاماژه‌ی به‌وه‌شكردوه‌، 5817 (پێنج هه‌زار و هه‌شتسه‌د و حه‌ڤده‌) توشبوی كۆرۆناش چاكبونه‌ته‌وه‌ و كۆی گشتی چاكبوانی كۆرۆنا گه‌یشته‌ 837336 (هه‌شتسه‌د و سی و حه‌وت هه‌زار و  سێسه‌د و سی و شه‌ش) كه‌س.

وه‌زاره‌تی ته‌ندروستی و ژینگه‌ی عێراق باسی له‌وه‌شكردوه‌، له‌ دوێنێوه‌ 49 (چل و نۆ) توشبوی كۆرۆنا گیانیان له‌ده‌ستداوه‌، كه‌ 5 (پێنج) كه‌سیان له‌ سلێمانی، 5 (پێنج) كه‌سیان له‌ هه‌ولێر، 6 (شه‌ش) كه‌سیشیان له‌ دهۆك بون، ئه‌وه‌ش له‌ماوه‌ی شه‌ش مانگی رابردودا زۆرترین مردنه‌ تۆماركرابێت.كۆی گشتی مردن گه‌یشته‌ 14885 (چوارده‌ هه‌زار و هه‌شتسه‌د و هه‌شتا و پێنج) كه‌س.

هه‌ر به‌گوێره‌ی ئاماره‌كه‌، له‌ماوه‌ی 24 كاتژمێری رابردودا، 14339 (چوارده‌ هه‌زار و سێسه‌د و سی و نۆ) ڤاكسین بۆ هاوڵاتیان به‌كارهێندراوه‌، كۆی گشتی به‌كارهێنانی ڤاكسینه‌كه‌ش گه‌یشتوه‌ته‌ 197914 (سه‌د و نه‌وه‌د و حه‌وت هه‌زار و نۆسه‌د و چوارده‌) ژه‌م.

بەدریە ئیسماعیل بڕیاردەری لیژنه‌ی کاروباری کۆمەڵایەتی و داكۆكی كردن لە پەرلەمانی کوردستان بە دەنگی ئەمریکای راگەیاندووە، پاش ٢٧ رۆژ لە داواکاری بۆ سەردانیکردنی زیندانیکراوانی بادینان رێگەیان پێدراوە لیژنەکەیان سەردانیان بکەن، دەشڵێت، "بارودۆخی زیندانییەکان زۆر خراپە.

بڕیاردەری لیژنه‌ی کاروباری کۆمەڵایەتی و داكۆكی كردن لە پەرلەمانی کوردستان گوتیشی، زیندانیکراوانی بادینان لە هۆڵێکدا ١٣٥ کەسی تێدایە و بەشێک لە زیندانیکراوەکانیش توشی نەخۆشی جۆراوجۆربوون و بارودۆخی دەرونی زۆربەشیان باش نییە و رووخاون."

ئەوەشی خستووەتەڕوو، بەیەک پاکێج و بەجیاجیا سەردانی هەر پێنج زیندانییەکەی بادینایان کردووە و زیندانییەکان ئەو تۆمەتانەیان رەتکردوەتەوە کە ئاڕاستەیان کراوە، هاوکات، وتەی یەکێک لە زیندانیکراوەکانیش دەگێڕێتەوە کە تۆمەتبار کراوە بەهەڵگرتنی چەک بەڵام تۆمەتبارەکە وتوویەتی، " هەرگیز نەمهێشتووە منداڵەکەشم تەنانەت دەمانچەی پلاستیکیش بەکاربهێنێت لەبەر ئەوەی جۆرێک لە توندوتیژی لە مێشکیدا تۆمار نەبێت."

بەدریە ئیسماعیل لە زاری یەکێک لە گیراوەکانەوە باسی لەوەکردووە، "من ئەگەر هەڕەشەم بەخێزانەکەم لێبکرێت ئامادەم سەری خۆم دابنێم، کێ لەئێوە ئامادەیە هەڕەشەی بەخێزانی لێبکرێت و ئەو شتەی بەرامبەری روبەڕوی دەبێتەوە قبوڵی نەکات."

بڕیاردەری لیژنه‌ی کاروباری کۆمەڵایەتی لەبارەی داواکاری گیراوەکانیشەوە دەڵێت، داوای ئەوان بۆ دەرەوە یەکەم شت ئەوەیە کە داوای ئەوان بگەیەنن بە نەتەوە یەکگرتووەکان تا پێداچوونەوە بەحوکمەکەیاندا بکەن بە گشتی داوای تەمیزی حوکمەکەیان دەکرد و داوای بینینی کەسوکاریان و پارێزەرەکانیان دەکەن.

 

ئەمڕۆ 12ی 4ی 2021 د.بەرهەم ساڵح سەرۆك كۆماری عیراق مەرسومی كۆماری تایبەت بەئەنجامدانی هەڵبژاردنی پێشوەختەی ئەنجومەنی نوێنەرانی عیراقی ئیمزاكرد كە لە رۆژی ١٠ی تشرینی یەكەمی ئەمساڵ بەڕێوەدەچێت.

سەرۆك كۆماری عیراق جەختیكردەوە هەڵبژاردنی داهاتوو وێستەگەیەكی گرنگ و جیاكەرەوەیەو بەكۆڵەكەی قۆناغی داهاتووی عیراق دادەنرێت، بۆیە پێویستە رەنگدانەوەی خواستی گەل بێت بۆ چاكسازی و راستكردنەوەی رێڕەوی حوكمڕانی، بۆیە زامنكردنی مافی دەنگدەران لە دیاریكردنی نوێنەرەكانیان دوور لە گوشار و دزینی دەنگەكانیان كارێكی هەرە لە پێش و سەرەكییە بەئاڕاستەی كۆتاییهاتنی قەیرانە كەڵەكەبووەكانی رابردوو و چارەسەری كێشەكانی بژێوی ژیان و گوزەرانی خەڵك.

هەروەها سەرۆك كۆمار دووپاتیكردەوە كە دوای دەرچوونی ئەم مەرسومە لایەنە پەیوەندیدارەكان پێویستە پابەندبن بە زەمینە خۆشكردن لەبەردەم هەڵبژاردنێكی پاك و بێگەرد لە تەواوی قۆناغە جیاوازەكاندا، بەجۆرێك كە دوور بێت لەهەر گومان و نیگەرانییەك كە لە رابردوودا هۆكاری سەرەكی بووە بۆ ناڕەزایەتی بەشێكی بەرفراوانی خەڵك لە هەڵبژاردنەكان.

دەقی وتارەكەی سەرۆك كۆمار:

بەناوی خوای گەورە و میهرەبان

بەپشتبەستن بە دەستوور، مەرسومی كۆماری تایبەت بەئەنجامدانی هەڵبژاردنی پێشوەختەی ئەنجومەنی نوێنەرانی عیراقم ئیمزاكرد، كە لە رۆژی ١٠ی تشرینی یەكەمی ئەمساڵ بەڕێوەدەچێت، بەتایبەت دوای بڕیاری ئەنجومەنی نوێنەران سەبارەت بە هەڵوەشاندنەوەی خۆی و راوێژ لەگەڵ هێز و سەركردە سیاسی و چالاكە مەدەنییەكان.

هەڵبژاردنی داهاتوو وێستەگەیەكی گرنگ و جیاكەرەوەیەو بەكۆڵەكەی قۆناغی داهاتووی عیراق دادەنرێت، بۆیە پێویستە رەنگدانەوەی خواستی گەل بێت بۆ چاكسازی و راستكردنەوەی رێڕەوی حوكمڕانی، بۆیە زامنكردنی مافی دەنگدەران لە دیاریكردنی نوێنەرەكانیان دوور لە فشارو دزینی دەنگەكانیان كارێكی هەرە لە پێش و سەرەكییە بەئاڕاستەی كۆتاییهاتنی قەیرانە كەڵەكەبووەكانی رابردوو و چارەسەری كێشەكانی بژێوی ژیان و گوزەرانی خەڵك.

دوای دەرچوونی ئەم مەرسومە لایەنە پەیوەندیدارەكان پێویستە پابەند بن بە زەمینە خۆشكردن لەبەردەم هەڵبژاردنێكی پاك و بێگەرد لە تەواوی قۆناغە جیاوازەكاندا، بەجۆرێك كە دوور بێت لەهەر گومان و نیگەرانییەك كە لە رابردوودا هۆكاری سەرەكی بووە بۆ نارەزایەتی بەشێكی بەرفراوانی خەڵك لە هەڵبژاردنەكان.

لەم چوارچێوەیەدا هەماهەنگی نێوان نەتەوە یەكگرتووەكان و كۆمسیۆنی هەڵبژاردنەكان كارێكی پێویستە بۆ چاودێری و پاك و بێگەردی هەڵبژاردن و رێزگرتن لە بڕیاری سەربەخۆی خەڵك.

من دەزانم ئاستەنگی زۆر لەپێشە، بەتایبەت گەر پەتای كۆرۆنا تا ئەوكات بەردەوام بێت، ئەمە جگە لە ئاستەنگی ئەمنی و رووبەڕووبوونەوەی مەترسییەكانی تیرۆر و گرفتەكانی دیكە، بەڵام لەهەمان كاتیشدا پشت ئەستورین بە هوشیاری خەڵك و توانای هێزە ئەمنیەكانمان كە پارێزگاری هەڵبژاردنەكان و دەنگدەران بگرنە ئەستۆ.

مافی هەموو خەڵكی عیراقە سود لەخێروبێری وڵاتەكەیان ببینن و دوودڵ نەبن لە ژیان و بژێوی خۆیان و خێزانەكانیان، لەم پێناوەدا پێویستە بەئاڕاستەی چاكسازی راستەقینەو دوور لە ترس و دڵەراوكێ كەشوهەوای هەڵبژاردنێكی ئازاد دەستەبەر بكرێت كە دەنگدەران حكومەت و پەرلەمانێك هەڵبژێرن بتوانێ دادپەروەری و دەرفەتی یەكسان بۆ هەمووان فەراهەم بكات.

 

بۆیە داوا لە یەك بەیەكتان دەكەم كە ساز و ئامادەبن بۆ بەشداریكردن لەهەڵبژاردنی داهاتوودا، چونكە ئەوە تاكە دەرفەتی ئێوەیە بۆ بەدیهێنانی خواستەكانتان و تاقیكردنەوەی ئیرادی ئازادانەی خۆتان لە بەدیهێنانی ژیانێكی ئارام و گوزەرانێكی باشتردا.

ساز و ئامادەبن بۆ دەنگدان بۆ ئەوەی دەنگەكانتان بكەن بە پردی پەڕینەوە بۆ قۆناغێكی باشتر و شیاوتر بۆ خۆتان و نەوەكانتان.

ئێوەش هاووڵاتیانی ئازیز ھەمیشە سەربەرزو سەرفرازبن بەخوای گەورەتان دەسپێرم.

بەناوی سەرجەم ئەندام و لایەنگرانی حزبمان لە كۆمیتەی پارێزگای هەولێری حزبی شیوعی كوردستان ,پرسەو سەرەخۆشی خۆمان ئاراستەی ئێوەی بەڕێز دەكەین بەبۆنە كۆچی دوایی هاوڕێی  تێكۆشەر و كەسایەتی و پیاوماقوڵی دەڤەری ڕەواندز  (ئیبراهیم عولا سلێمان ) ، كۆچی بەڕێزیان لەناخەوە دڵگرانی كردین ، ئومێدەوارین ئەمە دوا كۆست و ناخۆشی بنەماڵە تێكۆشەرەكەتان  بێت ، دووبارە پرسەمان قبوڵ بفەرموون . 

 

 لەگەڵ رێزماندا 

  حزبی شیوعی كوردستان

 كۆمیتەی پارێزگای هەولێر

 

 5/4/2021

No description available.

 

 

مجموعات فرعية