ئەم هەواڵە بڵاوبكەوە
FaceBook  Twitter  

رێناس گەرمیانی

لە لایەن چەكدارانی داعشەوە پەلاماری گوندێكی سەر بە شارۆچكەی شەرگات لە پارێزگای سەڵاحەدین دەدرێت ولە رێگەی بۆمبی چێنراوەوە هاوڵاتییەكی دانیشتووی ئەو گوندە تیرۆر دەكەن.

محەمەد فایەق بەرپرسی پێشووی ڕاگەیاندنی قایمقامیەتی خورماتوو هەواڵەكەی پشت راستكردەوەوبە (ڕێگای كوردستان)ی راگەیاند، چەكدارانی داعش هەڵیانكوتاوەتە سەر گوندی گونێتەری سەر بە شارۆچكەی شەرگات وبۆمبێكی چێنراویان لە ناو گوندە چاندووە ودواتر ئەو بۆمبە بە ئۆتومبیلی هاوڵاتییە بە ناوی (مەرعی عەفار شەهاب)دا تەقیوەتەوە وبووەتە هۆی گیان لە دەستدانی.

ناوبراو وتيشى، هەر لە ئەنجامی ئەو كارە تیرۆرستییە هاوڵاتییەكی دیكەش برینداربوو ودواتر چەكدارانی داعش ناوچەكەیان بەجێهێڵاوەو بەرەو شوێنێكی نادیار هەڵهاتوون ودوای گەیشتنی هێزە تەناهییەكان بۆ ناوچەكە هاوڵاتییە بریندارەكەیان بۆ نەخۆشخانە گواستۆتەوە بەمەبەستی چارەسەركردن.