ئەمە بڵاوبكەوە
FaceBook  Twitter  

نووسینگەی سەرۆککۆماری عێراق لە راگەیەندراوێكدا رایدەگەیەنێت، جەنابی دکتۆر فوئاد مەعسووم، سەرۆککۆماری عێراق تاوەکو ئێستا خۆی بۆ پۆستی سەرۆککۆمار بەربژێر نەکردووەتەوە.

رۆژی چوارشەممە 19ی ئەیلولی 2018 نووسینگەی سەرۆککۆماری عێراق راگەیەندراوێكی لەبارەی دووبارە خۆ كاندیكردنەوەی فوئاد مەعسووم، بۆ پۆستی سەرۆککۆمار بڵاوکردەوە و رەتیدەکاتەوە کە خۆی كاندید کردبێت.

لە بەشێکی راگەیەندراوەكەدا هاتووە، "جەنابی دکتۆر فوئاد مەعسووم، سەرۆککۆماری عێراق خۆی بۆ پۆستی سەرۆککۆمار بەربژێر نەکردووەتەوە و تاوەکو ئێستاش بەڕێزیان داواکاری فەرمی پێشکەش نەکردووە و چاوەڕوانی بڕیاری یەکێتیی نیشتمانیی کوردستان و هێز و لایەنە کوردستانییەکان دەکات بۆ یەکلایی کردنەوەی ئەو پرسە".