ئەمە بڵاوبكەوە
FaceBook  Twitter  

 

رێكخراوی خۆراك و كشتوكاڵی نەتەوە یەكگرتووەكان و بەرنامەی خۆراكی جیهانی راپۆرتێكی لەبارەی ئەو وڵاتانە بڵاوكردەوە كە بە هۆی شەڕو پێكدادانەكانی ساڵی رابردوو بەدەست برسێتییەوە دەناڵێنن.

لە راپۆرتەكەدا ئاماژە بەوە دراوە، جگە لەو پێنج وڵاتە لە سووریا، سۆماڵ و حەوزی دەریاچەی چاد، نزیكەی ٥٦ ملیۆن كەس پێویستییان بە خۆراكی بەپەلەیە.

هەر لە راپۆرتەكەدا ئاماژە بەوە دراوە كە بە هۆی تەشەنەسەندن و زۆر خایاندنی جەنگەكان، برسێتی "لە ئاستێكی قبوڵنەكراو و بەجۆرێك كە وێنەی نەبووە" بڵاوبۆتەوە. جەختیش لەوە كراوەتەوە كە توندوتیژی بەرامبەر كارمەندانی رێكخراوە مرۆییەكان كراوە و بەمهۆیەوە رێكخراوەكان ناچاربوون كارەكانیان هەڵپەسێرن.

رێكخراوی خۆراك و كشتوكاڵی نەتەوە یەكگرتووەكان و بەرنامەی خۆراكی جیهانی تیشكیان خستۆتە سەر ئەوەی كە گەورەترین قەیرانی مرۆیی جیهان لە یەمەن بووە و بە هۆی تەشەنەسەندنی پێكدادانە چەكدارییەكان لە شەش مانگی كۆتایی ٢٠١٨دا لە كۆنگۆی دیموكرات، ٣١ ملیۆن كەس ئاسایشی خۆراكیان لەدەستداوە.