ئەمە بڵاوبكەوە
FaceBook  Twitter  

سەرۆکی رووسیا، ئەمریکای بە پێشێلکردنی رێککەوتننامەی هێزە ئەتۆمییە مامناوەند مەوداکان تاوانبار دەكات.

رۆژی شەممە 2ی شوباتی 2019 سەرۆکی رووسیا، ڤلادیمیر پوتین رایگەیاند، "ئەمریکا رێککەوتننامەکەی هێزە ئەتۆمییە مامناوەند مەوداکان هەڵپەساردوو، ئێمەش هەڵیدەپەسێرین".

پوتین باسی لەوەکرد ئەمریکا بە بیانووی جۆراوجۆر پێشنیارەکانی ئەمریکای سەبارەت بە داماڵینی چەک رەتکردووەتەوە و رایگەیاند: "ئەمریکا لەرێگەی ئەو مووشەکانەی لە ئەورووپا جێگیری کردوون، راستەوخۆ هەڕەشەی لە رێککەوتننامەکە کرد. لەوبارەیەوە پێویست بە هەوڵی دانوستانی زیاتر لەگەڵ ئەمریکادا ناکات".

سەرۆکی رووسیا بەپێویستیشی زانی هاوکات وڵاتەکەی نەچێتە رکابەرییەکی گرانی خۆپڕچەککردنەوە و رایگەیاند: "لەگەڵ وەزارەتی بەرگریی لەسەر ئەوە رێککەوتین کە دەستبکرێت بە بەرهەمهێنانی مووشەکی مامناوەند مەودای خاوەن خێرایی سەروو دەنگ. ئەمە جگە لەوەی بەمەبەستی لەناوبردنی هەڕەشەی پڕچەککردن لە بۆشایی ئاسماندا، پلانێک ئامادە دەکرێت".