ئەمە بڵاوبكەوە
FaceBook  Twitter  

 Image result for new zealand news

سەرۆكوەزیرانی نیوزلەندا رایدەگەنێت، یاساكانی دەستخستنی چەك لە وڵاتەكەی دەگۆڕێت.

جاسیندا ئاردێرن سەرۆكوەزیرانی نیوزلەندا بەر لە بەڕێكەوتنی بەمەبەستی بەسەركردنەوەی شاری كرایستچەرچ كە لە ئەنجامی هێرشێكی تیرۆریستییدا لە شارەكە بۆ سەر دوو مزگەوت، ٤٩ كەس كوژران، روونكردنەوەی دایە رۆژنامەوانان.

ئاردێرن باسی لەوەشكرد ئەو تیرۆریستەی هێرشەكەی ئەنجامداوە لە كانوونی یەكەمی ٢٠١٧دا مۆڵەتی چەكی وەرگرتووە و لە كۆمەڵكوژییەكەدا پێنج چەكی بەكارهێناوە كە دووانیان نیمچە ئۆتۆماتیكن و دووانیان تفەنگی راون، راشیگەیاند: "لەكاتێكدا كە كارەكان سەبارەت بە پێدانی مۆڵەتی چەك و كەوتنەوەی ئەم رووداوە بەهۆی خاوەندارێتییكردن لە چەك روویداوە، لە ئێستادا دەتوانم بڵێم كە یاساكانی چەك لە وڵاتەكەمان گۆڕانكاریی تێدا دەكرێت".

بەپێی یاساكانی نیوزلەندا، مۆڵەتی چەك دەدرێتە ئەو كەسانەی كە هیچ پێشینەیەكی تاوانیان نییە، تەمەنیان لە سەروو ١٦ ساڵەوەیە و هۆكاری پێویستیان هەیە.

سەرۆكوەزیرانی نیوزلەندا تیشكی خستەسەر ئەوەی سەردانی شاری كرایستچەرچ دەكات و هەریەك لە مزگەوتەكانی نوور و لینوود كە هێرشە تیرۆریستییەكەیان تێدا روویداوە بەسەردەكاتەوە و جەختی لەوەشكردەوە كە ٤٠ بریندار لە نەخۆشخانەكانن كە دۆخی تەندروستی دووانیان مەترسیدارە.