ئەمە بڵاوبكەوە
FaceBook  Twitter  

 

كۆما جڤاكێن كوردستان (كەجەكە) ئاشكرای دەكات، لەژێر فشاری ناوخۆیی و دەرەكییەكاندا ڕێگە بە پارێزەران دراوە سەردانی ئیمراڵی بكەن.

رۆژی سێشەممە 7ی ئایاری 2019 كۆما جڤاكێن كوردستان (كەجەكە)، راگەیەندراوێكی لەبارەی دیداری پارێزەران و ئۆجەلان بڵاوكردەوەو راگەیاند، وەك ئەوەی پارێزەران بەر لەخوێندنەوەی پەیامەكە ڕایانگەیاند، ئەو بانگەوازەی ئۆجەلان كردوویەتی نە پەیامێكی دانوستانە ‌نە ڕێككەوتنێكیشە.

(كەجەكە) راشیگەیاندووە، بانگەوازە‌كەی ئۆجەلان لە بارەی گفتوگۆوە بەتەواوی هەوڵدانه ‌بۆ گرتنەبەری ڕێبازەكانی دانوستانی دیموكراتی لەسەر بنەمای ئاشتی و چارەسەریی دیموكراتی.

كەجەكە پێیوایە، ڕێگرتن لەنووسینی سەرنجەكان لەكاتی دیدارەكەدا و ڕێگەنەدان بەبینینی زیندانییانی دیكە، هەروەها كۆتایی نەهێنان بەگۆشەگیری و جێبەجێ نەكردنی داواكاریی ڕەخساندنی هەلومەرجی ئازاد بۆ ژینی ئۆجەلان، دەریدەخات كه ‌ئەم دیدارە تەنها بۆ یەكجاره ‌و جەختدەكاتەوە ئەو دیدارە لەپێناوی كۆتایی هێنانە بەفشارەكانی ڕای گشتی.

كەجەكە، ئاماژەی بەوەشكردوە، لەگێڕانەوەی پارێزەران مرۆڤ تێدەگات كەگۆشەگیری هەڵنەگیراوەو داواكارییەكانی پارێزەران جێبەجێ نەكراون.