ئەمە بڵاوبكەوە
FaceBook  Twitter  

رێناس گەرمیانی

لە ئەنجامی تەقینەوەی ئۆتۆمبیلێكی بۆمبرێژكراو لە نزیك پارێزگای سەڵاحەدین دوو چەكداری حەشدی عەشایەری كوژران.

محەمەد فایەق بەرپرسی پێشووی ڕاگەیاندنی قایمقامیەتی خورماتوو هەواڵەكەی پشت راستكردەوەو بە (ڕێگای كوردستان)ی ڕاگەیاند:- لە ناوچەی ئەلجەزیرەی نێوان هەردوو شارۆچكەی بێجی وحەدیسە خۆرئاوای پارێزگای سەڵاحەدین ئۆتۆمبیلێكی بۆمبرێژكراو بە چەكدارانی حەشدی عەشایەری تەقییەوە.

گوتیشی:- لە ئەنجامدا دوو چەكداری ئەو حەشدە كوژران وسێ‌ چەكداری دیكەش برینداربوون ودواتریش لە لایەن هێزە تەناهییەكانەوە شوێنی ڕووداوەكە كۆنترۆڵكراو بریندارەكانیش بۆ نەخۆشخانە كوێزرانەوە بەمەبەستی چارەسەركردن.