ئەمە بڵاوبكەوە
FaceBook  Twitter  

 

سەركۆماری ئێران، حەسەن روحانی رایگەیاند، هەلی دانوستانیان لەگەڵ ئەمریكا لەدەستنەداوە.

ئاژانسی هەواڵیی ئیرنا IRNA بڵاویكردەوە، حەسەن روحانی لە تارانی پایتەخت لە میانی بەڕێوەچوونی كۆبوونەوەی كابینەكەیدا وتارێكی پێشكەشكردووە و تیایدا گڵۆپی سەوزی بۆ دانوستان لەگەڵ ئەمریكا هەڵكردووە.

روحانی گوتی: "ئەم حكوومەتە هەلی دانوستانی لەدەستنەداوە و لەدەستی نادات. تا ئەوكاتەی بەرپرسیارێتیم هەبێت لە بەڕێوەبردنی وڵاتدا، بەناوی چارەسەری كێشەكانەوە ئامادەی دانوستانێكی دادپەروەرانە، یاسایی و شكۆمەندین."

سەركۆماری ئێران راشیگەیاند كە بە شێوەیەكی ملكەچ ئامادەی دانوستان نابن و ئاماژەی بەوەدا كە لە یەكەم رۆژی دەستبەكاربوونییەوە لە یازدەهەمین حكوومەتدا، هەوڵی داوە بۆ كردنەوەی بەربەستەكانی بەردەم ئەو بابەتانەی ئەگەری رێككەوتن هەیە لەسەریان.