ئەمە بڵاوبكەوە
FaceBook  Twitter  

 

هێزەکانی سوریای دیموکرات (هەسەدە) رایگەیاند، سوپای تورکیا و گروپە چەکدارەکانی سەر بە تورکیا بەردەوامن لە هێرشەکانیان بۆ سەر ناوچەی خاپور، کە ناوچەی کەمایەتییە نەتەوەیەکانی سریانی و ئاشوریەکانە، لە شارۆچکەی تەلتەمر.

هێزەکانی سوریای دیموکرات (هەسەدە) ئەمڕۆ لە راگەیەندراوێکدا رایگەیاند، "شەڕڤانان بەردەوامن لە بەرگریکردنی دژی هێرشەکانی سوپای تورکیا و گروپە چەکدارەکانی سەر بە تورکیا، کە دەکرێتەسەر گوندی خاپور، کە ناوچەی کەمایەتیە نەتەوەیەکانی سریانی و ئاشوریەکانە، لە شارۆچکەی تەلتەمر".

ئاماژە بەوەشکراوە، "بۆ پاراستنی ناوچەی خاپو، کە ناوچەی تایبەتە بە سریانی و ئاشوریەکان، هێزەکانی ئەنجومەنی سەربازی سریانی سەر بە هێزەکانی سوریای دیموکرات، لە ناوچەی خاپور بڵاودەکرێنەوە و لێپرسراو دەبن لە ئاسایشی ئەو سەربازی ئەو ناوچەیە".

باس لەوەشکراوە، هێزەکانی سوریای دیموکرات، پشتیوانی هێزەکانی ئەنجومەنی سەربازی سریانی دەکات و داوایان لێدەکات بەهەمو توانای خۆیانەوە هەنگاوی بەرەوپێش بنێن.

31ی ئۆکتۆبەر ئیلهام ئەحمەد، هاوسەرۆکی ئەنجومەنی جێبەجێکاری سوریای دیموکرات رایگەیاند ، "تورکیا هێرش دەکات و شەڕڤانانی ناوەندی تەلتەمر لەناو دەبات، چۆن ویلایەتە یەکگرتوەکانی ئەمریکا رێگری لە تورکیا ناکات لە ئەنجامدانی ئەم کارەدا".