ئەمە بڵاوبكەوە
FaceBook  Twitter  

بەپێی هەواڵێکی ئاژانسی رۆیتەرز، لەراپۆرتی رێکخراوی هیومان رایتس ۆچدا، کە ئەمڕۆ دوشەممە بڵاوکراوەتەوە، هاتوە، " گروپە توندڕەوەکانی سوریا کە لەلایەن تورکیاوە پشتیوانی دەکرێن پێشێلکاری گەورەیان بەرامبەر مافەکانی مرۆڤ ئەنجامداوە و پێویستە حکومەتی تورکیا خۆ لێکۆڵینەوە لەو تاوانانە بکات کە بەشێکیان دەچنە خانەی تاوانی جەنگەوە."

لەبارەی دامەزراندنی " ناوچەی ئارام" کە تورکیا بانگەشەی بۆدەکات و دەڵێت" زیاتر لەیەک ملیۆن ئاوارەی سوریای تێدا نیشتەجێ دەکەین" هیومان رایتس ۆچ رایگەیاندوە" ئەو ناوچەیە بۆ ئاوارەکانی سوریا هیچ ئارام نیە و ئاسایشییان پارێزراو نابێت." 

لەوبارەیەوە سارا ویتسۆن بەڕێوەیەری بەشی رۆژهەڵاتی رێکخراوەکە رایگەیاندوە، کوشتنی هاوڵاتیانی مەدەنی، دزینی سەروەت و سامانی خەڵک و رێگرتن لەهاوڵاتیانی ئەو ناوچەیە کە بگەڕێنەوە سەر ماڵ و حاڵی خۆیان بەڵگەی ئەوەن کە رێکخراوەکە ئەو ناوچەیە بەئارام نەزانێت کە تورکیا بەنیازە دایبمەزرێنێت.