ئەمە بڵاوبكەوە
FaceBook  Twitter  

به‌رهه‌می رۆژانه‌ی ئۆپیك له‌ مانگی كانوونی یه‌كه‌مدا، به‌راورد به‌ هه‌مان مانگی ساڵی رابردوو، ١٦١ هه‌زار به‌رمیل كه‌می كردووه‌ و بووه‌ته‌ ٢٩ ملیۆن و ٤٤٠ هه‌زار به‌رمیل.

به‌پێی راپۆرتی ئۆپیك له‌باره‌ی هه‌نارده‌كردنی نه‌وت له‌ كانوونی یه‌كه‌می ٢٠٠٩دا، داواكاری له‌سه‌ر نه‌وت له‌ بازاڕه‌ نێوده‌وڵه‌تییه‌كان له‌ مانگی رابردوودا به‌راورد به‌ مانگێك پێشتر، ٦٠ هه‌زار به‌رمیل كه‌مبووەته‌وه‌ و بۆ ١٠٠ ملیۆن و ٢٨٠ هه‌زار به‌رمیل كه‌می كردووه‌.

له‌م قۆناغه‌دا، به‌رهه‌می وڵاتانی ده‌ره‌وه‌ی ئۆپیك، ١١٠ هه‌زار به‌رمیل زیادی كردووه‌ و بووه‌ته‌، ٧٠ ملیۆن و ٨٤٠ هه‌زار به‌رمیل.

به‌رهه‌می رۆژانه‌ی ئۆپیك له‌ مانگی كانوونی یه‌كه‌مدا، به‌راورد به‌ هه‌مان مانگی ساڵی رابردوو، ١٦١ هه‌زار به‌رمیل كه‌می كردووه‌ و بووه‌ته‌ ٢٩ ملیۆن و ٤٤٠ هه‌زار به‌رمیل. پشكی ئۆپیكیش له‌ داواكاری نه‌وت له‌ بازاڕه‌ نێوده‌وڵه‌تییه‌كاندا به‌ڕێژه‌ی له‌سه‌دا ٢٩،٤ تۆماركراوه‌.

مانگی رابردوو له‌ناو ئۆپیك هه‌ریه‌ك له‌ ئەنگۆلا، گابۆن و ئێكوادۆر به‌ دوای یه‌كدا به‌رهه‌مهێنانی نه‌وتیان گه‌یانده‌ به‌رزترین ئاست.

ئه‌نگۆلا به‌ زیادكردنی ١٢٥ هه‌زار به‌رمیل له‌ رۆژێكدا، به‌رهه‌مهێنانی گه‌یانده‌، یه‌ك ملیۆن و ٤٠٨ هه‌زار به‌رمیل. گابۆن-یش به‌ زیادكردنی ٢٦ هه‌زار به‌رمیل به‌رهه‌مهێنانی گه‌یانده‌، ٢٢٢ هه‌زار به‌رمیل و ئێكوادۆریش به‌ زیادكردنی نۆ هه‌زار به‌رمیل به‌رهه‌مهێنانی نه‌وتی گه‌یانده‌، ٥٣٨ به‌رمیل.

هه‌ر له‌و مانگه‌دا هه‌ریه‌ك له‌ سعوودیه‌، عێراق و ئیمارات كه‌مترین نه‌وتیان به‌رهه‌مهێناوه‌.

سعوودیه‌ به‌ كه‌مكردنه‌وه‌ی ١١١ هه‌زار به‌رمیل نه‌وت له‌ رۆژێكدا، به‌رهه‌مهێنانی بۆ نۆ ملیۆن و ٧٢٦ هه‌زار به‌رمیل، عێراق به‌ كه‌مكردنه‌وه‌ی بۆ ٧٦ هەزار به‌رمیل نه‌وت له‌ رۆژێكدا بۆ چوار ملیۆن و ٥٦٥ هه‌زار به‌رمیل و ئیمارات-یش به‌ كه‌مكردنه‌وه‌ی ٤٦ هه‌زار به‌رمیل رۆژێكدا بۆ سێ ملیۆن و ٦٢ هه‌زار به‌رمیل كه‌م كردووه‌ته‌وه‌.

- داواكاری بازاڕه‌ نێوده‌وڵه‌تییه‌كان له‌سه‌ر نه‌وت

له‌ راپۆرته‌كه‌دا تیشك خراوه‌ته‌ سه‌ر ئه‌وه‌ی كه‌ پێشبینی ده‌كرێت داواكاری بازاڕه‌ نێوده‌وڵه‌تییه‌كان بۆ نه‌وت له‌ ٢٠٢٠دا، رۆژانه‌ ١٠٠ ملیۆن و ٩٨٠ هه‌زار به‌رمیل بێت.

وڵاتانی ئه‌ندام لە ئۆپیك پێشبینی ده‌كه‌ن داواكاری رۆژانه‌ له‌سه‌ر نه‌وتی خاو بۆ ٢٠٢٠، ٢٩ ملیۆن و ٥٠٠ هه‌زار به‌رمیل بێت.

له‌لایه‌كی دیكه‌یشه‌وه‌ له‌ سه‌رتاسه‌ری جیهان ژماره‌ی سه‌كۆكانی هه‌ڵكه‌ندنی بیره‌ نه‌وت له‌ كانوونی یه‌كه‌مدا، به‌راورد به‌ مانگێك پێشتر یه‌ك سەکۆ زیادی كردووه‌ و بووه‌ته‌ دوو هه‌زار و ٢٠١ سه‌كۆ كه‌ ٥٨٧ سه‌كۆیان له‌و وڵاتانه‌دان كه‌ ئه‌ندامن له‌ ئۆپیك.