ئەمە بڵاوبكەوە
FaceBook  Twitter  

 

بەهۆی ناكۆكیەكانی روسیاو توركیا لە ئیدلیب بە تایبەتیش كوژرانی چەند سەربازێكی توركی هەڕەشە لە باڵیۆزی روسیا كراوە لە توركیا.

باڵوێزی رووسیا لە تورکیا یرخوف ئاشکرای کرد هەڕەشەکان لە رێگای پەیجی باڵوێزخانەکەیانەوە بەردەوامە لەدژیان.

یرخوف بە میدیای وڵاتەکەی راگەیاندووە، رووداوەکانی ئەم دواییەی ئیدلب، هیستریای دژی رووسیا لە تۆڕە کۆمەڵایەتییەکان بەرپاکردووە.

لە چاوپێکەوتنێکی تەلەفزیۆنی لە رێگای سکایپەوە دەڵێت " دوێنێ هەڕەشەی ئەوەی لێکراوە کە هیچ دلۆپێکی خوێن کە دەڕێژرێ بەسەرتانەوە ناچێت، هەرەمێک لە پەیکەری مێشکی سەربازەکانتان دروستدەکەین".

میدیاکانی رووسیا باس لەوە دەکەن کە تورکیا رێوشوێنی تری گرتۆتەبەر بۆ پاراستنی باڵوێزخانەی رووسیاو بڕاوایان بە تورکیا هەیە کە پارێزراو دەبن.