ئەمە بڵاوبكەوە
FaceBook  Twitter  

 ژمارەی مردوان بەهۆی کۆرۆناوە لە تورکیا گەیشتە 37 کەس

لەماوەی كەمتر لە 24 كاتژمێری رابردودا، ژمارەی ئەو توشبوانەی كۆرۆنا كە لە توركیا گیانیان لەدەستداوە بۆ 37 كەس بەرزبوەوە و ژمارەی توشبوانیش گەیشتە نزیكەی 300 كەس.

فەهرەدین كۆجا، وەزیری تەندروستی توركیا شەوی رابردو لە هەژماری تایبەتی خۆی لە تۆڕی کۆمەڵایەتی تویتەر رایگەیاند، حەوت توشبوی دیکەی ڤایرۆسی كۆرۆنا گیانیان لەدەستداوە و لە 24 كاتژمێری رابردوشدا پشكنینی كۆرۆنا بۆ 672 كەس ئەنجامدراوە.

ئاماژەی بەوەشکرد، لەكۆی ئەو 672 پشكنینە، ئەنجامی 293 پشكنین پۆزەتیڤ دەرچوە، بەو واتایەی توشی پەتای كۆڤید-19 بون و ژمارەی ئەو توشبوانەی بەوهۆیەوە گیانیان لەدەستداوە گەیشتوەتە 37 كەس.