ئەمە بڵاوبكەوە
FaceBook  Twitter  

 

سومەریە نیوز رایگەیاند لە حسێنیەی بەغدا، بە چەكی سوك و قورس لەنێوان هۆز و خێڵەكاندا شەڕ رویدا و بۆ ئەو مەبەستە 70 ئۆتۆمبێلی سەربازی نێردرایە ناوچەكە

ئەمشەو هەینی لە ناوچەی حسێنیە كە دەكەوێتە رۆژهەڵاتی بەغدا، لەنێوان هۆز و خێڵەكاندا شەڕێكی توند رویدا و چەكی سوك و ناوەند-ی تێدا بەكارهێنرا بەگوێرەی میدیای ناوخۆی عێراق، كە لە ئەنجامدا زیانی گیانی هەبوە.

سەرچاوەیەكی ئەمنی عێراق لەوبارەیەوە ئاماژەی بەوەكردوە، لە باكوری رۆژهەڵاتی پایتەخت شەڕەكە رویداوە و بەوهۆیەوە ئاگر لە ژمارەیەك خانو بەربوە، بەهۆی بەردەوامیی پێكدادنەكانیشەوە ژمارەیەك كەس برینداربون.

بەگوێرەی زانیارییەكانى سومەریە نیوز تیمەكانی بەرگری شارستانی بەمەبەستی كۆنترۆڵكردنی ئاگرەكە رەوانەی ناوچەكە كراون، كە شەڕەكە لەنێوان دو هۆزدا بوە لە قەزای حسێنییە و ژمارەیەك چەكی جۆراوجۆری تێدا بەكارهێنراوە.

هاوكات بەگوێرەی زانیارییە نوێیەكان، 70 ئۆتۆمبێلی سەربازیی سەر بە فیرقەی 11ی هێزە چەكدارەكان رەوانەی قەزا-كە كراون بەمەبەستی كۆنترۆڵكردنی دۆخەكە.

ماڵپەڕی هەواڵیی سۆمەرییە نیوز-یش رایگەیاند، لەئەنجامی ئەو شەڕەدا تا ئێستا بەگوێرەی زانیارییەكان پێنج كەس برینداربون.