ئەمە بڵاوبكەوە
FaceBook  Twitter  

 

وەزارەتی دەرەوەی تورکیا وەڵامی لێدوانەکەی ئیمانوێل ماکرۆن سەرۆکی فەرەنسای لەبارەی رۆژهەڵاتی ناوەڕاست دایەوە و رایگەیاند، ئەو کەسانەی هێڵی سور لە بەردەم تورکیا دەکێشن، ڕوبەڕوی هەڵوێستی یەکلاکەرەوەی ئەنقەرە دەبنەوە.

لەبەیاننامەیەکدا وەزارەتی دەرەوەی تورکیا رایگەیاند،  ئەوانەی هێڵی سور دەکێشن لەبەرامبەر دۆسیەی دادپەروەری رۆژهەڵاتی دەریای سپی ناوەڕاست، ڕوبەڕوی هەڵوێستی یەکلاکەرەوەی تورکیا دەبنەوە، ئەگەر لە ناوچەکە هەر هێڵێکی سور هەیە، ئەوە مافی تورکیا و قوبرسی تورکەکانە.

وەزارەتی دەرەوەی تورکیا ئاماژەی بە گرنگی چارەسەرکردنی ناکۆکیەکانی رۆژهەڵاتی ناوەڕاست کردوە ئەوەشی خستوەتەڕو، ئامادەن بۆ چارەسەری کێشەکان لەسەر بنەمای دادپەروەری و لەرێگەی گفتوگۆ و هەماهەنگی نێوان ئەو وڵاتانەی لەناو کێشەکەدان، نەک لەرێگەی دەستوەردانی دەرەکیەوە.

هەینی ڕابردو ئیمانوێڵ ماکرۆن سەرۆکی فڕەنسا رایگەیاندبو، هێڵی سوریان بۆ تورکیا لە ناوچەی رۆژهەڵاتی ناوەڕاست داناوە، بە بەزاندنی ئەو هێڵەش وڵاتەکەی هەڵوێستی یەکلاکەرەوەی دەبێت.

لە چەند مانگی ڕابردودا، ئاڵۆزییەکانی نێوان فڕەنسا و تورکیا، لەسەر پشتیوانیی فڕەنسا بۆ یۆنان لە ڕۆژهەڵاتی ناوەڕاست زیاتر بوە، کە تورکیا بەردەوامە لە گەڕان بە دوای نەوت و غازی سروشتیدا.