ئەمە بڵاوبكەوە
FaceBook  Twitter  

 

ده‌سه‌ڵاتدارانی توركیا رایانگه‌یاند، له‌ ئه‌نجامی بومه‌له‌رزه‌كه‌ی ئه‌مڕۆ كه‌ به‌ گوڕی 6.6 پله‌ به‌گوێره‌ی پێوه‌ری رێخته‌ر رۆژئاوای وڵاته‌كه‌یانی هه‌ژاند، 4 كه‌س مردن و 152 كه‌سی دیكه‌ش بریندار بوون.

به‌گوێره‌ری ئاژانسی هه‌واڵی ئه‌نادۆڵۆی توركی، سه‌رۆكایه‌تی ئیداره‌ی كاره‌سات و فراگوزاری توركیا "ئافاد" رایگه‌یاند، گه‌ڕان به‌دوای بێسه‌روشوێنان له‌ سه‌رجه‌م شار و ناوچه‌ زیانپێگه‌یشتووانی بومه‌له‌رزه‌كه‌ ده‌ستیپێكردووه‌ و له‌ ئاسمانیشه‌وه‌ هێزه‌ ئاسمانییه‌كانی سوپا هاوكاری تیمه‌كانی فریاگوزاری ده‌كه‌ن و له‌سه‌ر كاری روپێوی ئه‌و ناوچانه‌ به‌رده‌وامن.

وه‌ك راشیگه‌یاند، تا ئێستا نزیكه‌ی 70 كه‌س له‌ژێر داروپه‌ردووی باڵه‌خانه‌ رووخاوه‌كان له‌ پارێزگای ئیزمیر رزگاركراون.

پێشتریش هه‌ر ئه‌مڕۆ "ئافاد" رایگه‌یاند، بومه‌له‌رزه‌یه‌ك به‌ گوڕی 6.6 پله‌ به‌گوێره‌ی پێوه‌ری رێخته‌ر شاری ئیزمیری رۆژئاوای توركیای هه‌ژاند و چه‌قی بومه‌له‌رزه‌كه‌ له‌ دووری 17 كیلۆمه‌تر له‌ كه‌ناری شاری "سه‌فری حه‌سار" له‌سه‌ر ده‌ریای ئیجه‌ بووه‌ و له‌ قووڵایی 16.54 كیلۆمه‌تر روویداوه‌.

هه‌ر له‌مباره‌شه‌وه‌ تونج سۆیار، سه‌رۆك شاره‌وانی پارێزگای ئیزمیر رایگه‌یاند، به‌گوێره‌ی زانیارییه‌ سه‌ره‌تاییه‌كان، نزیكه‌ی 20 بینایه‌ له‌ ئه‌نجامی بومه‌له‌رزه‌كه‌ له‌و شاره‌ رووخاون.

People search for survivors at a collapsed building in the coastal province of Izmir on Friday.