ئەمە بڵاوبكەوە
FaceBook  Twitter  

بەهۆی هێرشەکەی ڤییەنا، دوو کەس کوژران کە یەکێکیان یەکێکە لە هێرشبەرەکان، رووداوەکە کاردانەوەی لێکەوتەوە.

کۆنتێی سەرۆکی وەزیرانی ئیتاڵیا، ئیدانەی هێرشەکەی کردوو و رایگەیاند، هیچ شوێنێک بۆ رق و تووندووتیژی لە ئەوروپا نییە.

داواش لە یەکێتی ئەوروپا دەکات، رێکاری پێویست بگرێتە بەر.

هەروەها وەزیری دەرەوەی ئەڵمانیا لەبارەی هێرشەکە رایگەیاندووە، ناکرێت بهێڵین، رق و کینە کۆمەڵگەکەمان دابەش بکەن، ئەوەی روویداوە جێگای داخە و مەترسیدارە.

کۆماری چیک، ئاسایشی سنوورەکانی لە دوای هێرشەکانی نەمسا، پتەوتر کردووە و پشکنین و بە دوداچوون ئەنجام دەدات.

بەگوێرەی هەواڵێکی ئاژانسی فرانس پرێس، دوو کەس بەهۆی هێرشەکەی ڤییەنا کوژراون، یەکێکیان ئەو کەسەیە کە تەقەی کردووە.

ئاماژەی بەوەشکردووە، چەند کەسێک بە چەکی جیاوازەوە هێرشەکەیان ئەنجامداوە و لە شەش شوێنیش چالاکیان ئەنجامداوە.

وەزیری بەرگری نەمساش، رووداوەکەی بە تیرۆرستی لەقەڵەم داوە.