ئەم هەواڵە بڵاوبكەوە
FaceBook  Twitter  

ڕێناس گەرمیانی

لە ئەنجامی تەقینەوەی بۆمبێكی لكێندراو بە ئۆتۆمبیلێكی جۆری تەكسی لە شاری كەركوك ژمارەیەك هاوڵاتی كوژران وبرینداربوون.

بە پێی ئەو زانیاریانەی كە دەست (ڕێگای كوردستان) كەوتوون سەرلە بەیانی ئەمڕۆ پێنج شەممە 11/10/2018 لە نزیك بازاڕی تایەفرۆشان لە شەقامی بەغدای شاری كەركوك بۆمبێكی لكێندراو بە ئۆتۆمبیلێكی جۆری تەكسی تەقییەوەو بەو هۆیەشەوە هاوڵاتییەك كوژراو سێ‌ هاوڵاتی دیكەش برینداربوون.

هەر بە پێی زانیارییەكان دوای ئەو ڕووداوە هێزەكانی پۆلیسی بنكەی پۆلیسی قۆریە گەیشتنە شوێنی ڕووداوەكەو بریندارەكانیان بۆ نەخۆشخانە بەمەبەستی چارەسەركردن گواستەوەو دەستیانیش بە لێكۆڵینەوەی سەرەتایی لەو بارەیەوە كردووە بەمەبەستی دۆزینەوەی ئەو كەسانەی كە ئەو كارە تیرۆرستییەیان ئەنجامداوە.