ئەم هەواڵە بڵاوبكەوە
FaceBook  Twitter  

ئێوارەی رۆژی پێنجشەممە شەپۆلێکی خۆڵبارینی چڕ رووی لە هەرێمی کوردستان کرد، کەشناسی و بوومەلەرزەزانی هەرێمی کوردستان رایدەگەیەنێت، پێشبینینەکراو بووە.

رۆژی پێنجشەممە 11ی تشرینی یەكەمی 2018 ئەژی چەتۆ، وتەبێژی بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان بە میدیاكانی ناوخۆی راگەیاند، "ئەمڕۆ پێنجشەممە شەپۆلێکی خۆڵبارینی پێشبینینەکراو رووی لە هەرێمی کوردستان کردووە."

ئەژی چەتۆ خۆڵبارینەکەی بە حاڵەتێکی ئاسایی دانا و وتی "لە پایز و بەهار گۆڕانکاری خێرا روودەدات و لە پێشبینەکان کەمتر دەردەکەوێت. بۆیە ئاستەمە پێشبینی گۆڕانکارییەکان بکرێت".

وتەبێژی کەشناسی و بوومەلەرزەزانی هەرێمی کوردستان پێیوایە، ئەو شەپۆلەی تۆز و خۆڵبارینەی رووی لە کوردستان کردووە "زیاتر لە ناوخۆیی دەچێت تاوەکو ناوچەیی و جیهانی".