ئەم هەواڵە بڵاوبكەوە
FaceBook  Twitter  

زاهیر ئیبراهیم

ئەمڕۆ لە كۆنگرەیەكی ڕۆژنامەوانیدا لە قەزای سۆران راید سەعدون نەبی وتەبێژی بەرێوەبەرایەتی پۆلیسی سۆران دەستگیركردنی باندێكی ساختەكردنی دراوی رایگەیاند.

لەكۆنگرە ڕۆژنامەوانیەكەدا وتەبێژی پۆلیسی سۆران رایگەیاند، " رۆژی 28/11/ 2018 كەسێك دەستگیركرا كە ویستویەتی بە دراوی ساختە مامەڵەی بازرگانی لە سۆران و دەوروبەری بكات، بەڵام لە لەلایەن پۆلیس لە سۆران دەستگیركرا و دوای لێكۆڵینەوە دەركەوت كە كەسانی تریش دەستیان لەگەڵ تۆمەتباری یەكەم هەیە لە بڵاوكردنەوەی دراوی ساختە".

ڕاید سەعدون راشیگەیاند، " لە ئەنجامی بەردەوامی لێكۆڵینەوەكانمان چەند كەسێكی تریشمان بە هەمان تۆمەت دەستیگركرد كە ئەو كەسانە دۆلاری ئەمریكی و دراوی عێراقی یان ساختە كردووە و لە سۆران بازرگانیان پێوەكردووە ".

هەروەها ئاماژەی بۆ ئەوەشكرد" ئەو كەسانە دانیشتووی قەزای سۆرانن و پەڕاوی لێكۆڵینەوەیان دراوەتە دادوەر، داواشیكرد هاووڵاتیان و بە تایبەت ئەوانەی كە مامەڵەی ئاڵۆگۆڕی دراودەكەن چاوكراوە بن و هاوكارمان بۆ ڕێگەگرتن لە بڵاو بوونەوەی دراوی ساختە".