ئەمە بڵاوبكەوە
FaceBook  Twitter  

رێگای كوردستان

لەبەر نەبوونی خزمەت گوزاری رێگاوبانە، رۆژی چوارشەممە، 9ی كانوونی دووەمی 2019، دانیشتوانی گوندی چەمەرگە سەر بەقەزای دەربەندیخان خۆپیشاندانیان ئەنجام دا.

لەم باریەوە كاسترۆ مەعروف ئەندامی ئەنجومەنی پارێزگای سلێمانی و نوێنەری حزبی شیوعی كوردستان، بە ماڵپەڕی (رێگای كوردستان)ی راگەیاند: پشتگیری خۆمان بۆھاووڵاتیانی گوندەکان دەردەبڕین و بەھەموو توانامانەوە لەرێگای ئەنجومەنی پارێزگای سلێمانی داواکاریەکان دەگەینین بۆلایەنی پەیوەندیدار وچاودیری زیاتری ئەوبابەتە دەکەین.

ئەو ئەندامەی ئەنجومەنی پارێزگای سلێمانی وتیشی: ئەو داواکاریە تەنھا داواکاری ئەم گوندە نیە، بەڵکوھی تەواوی گوندەکانی قەرەداغ. بۆیە پەیوەندیمان بەقائیمقامی دەربەندیخان كردو پشتگیری خۆمان بۆھاووڵاتیانی گوندەکان دووبارەکردەوە.

كاسترۆ مەعروف ئەوەشی خستەڕوو: داواکارەیەکانیان بەڕەوادەبینین، ناکرێت چیتربەم شێوازە رێگای سەرەکی ئەم گوندانە فەرامۆش بکرێت، داواکارین وەزارەتی پەیوەندی دار، رەزامەنی ئەوبڕەپارەیە بکات کە بۆچاکردنی ڕێگاکە ناردراوە بۆیان.