ئەمە بڵاوبكەوە
FaceBook  Twitter  

ڕێگای كوردستان-بێری جەباری

 

چالاكی كۆمەڵەی ئافرەتانی كوردستان لە زۆربەی شار و شارۆچكەكانی كوردستان بە هەماهەنگی لەگەڵ گرووپی ((دەنگی ئێمە)) كە پێك دێن لە (ڕێكخراوی مۆم و یەكێتی لاوانی كوردستان و ئۆفیسی هەولێری یەكێتی گشتی قوتابیان و گرووپی گەنجانی ئاشتی 12 و گرووپی شێوەكاری مۆنالیزای كچان)، لە هەڵمەتی شانزە ڕۆژەی 25ی نۆڤەمبەر بەرەنگاربوونەوەی توندوتیژی دژ بە ئافرەتان و هەفتەی مافی مرۆڤ چەند چالاكییەكی ئەنجامدا، دوو سیمناری ئەنجامدا لە ژێر ناونیشانی هاوسەرگیری پێشوەختە و یاسایی بەرەنگاربوونەوەی توندوتیژی خێزانی لە ئامادەیی محەمەد ناسری كچان و ئامادەیی سەرداری تێكەڵاو لە ناحییەی شەمامك.

هەروەها چالاكی "ڕەنگەكان دەدوێنێ‌"ی ئەنجامدا لە پاركی شار لە هەولێر میوزیك و شێوەكاری لە خۆ گرتبوو كە ژمارەیەكی بەرچاو هاووڵاتییان ئامادە بوون، بۆ جاری دووەمە چالاكی لەو شێوەیە لەسەر شەقام و لە ناوجەرگەی شاردا ئەنجام دەدەن. سەرجەم چالاكییەكان هەڵوێستەیەك بوو بۆ نیشاندانی سەرجەم ئەو توندوتیژییانەی لە بەرانبەر ئافرەتان ئەنجام دەدرێت لە هەرێمی كوردستان. 

لە دۆكانی سلێمانی كۆمەڵەی ئافرەتانی كوردستان و كۆبەندی ژنان سیمنارێكیان لە ژێر ناونیشانی توندوتیژی دژ بە ئافرەتانی سازكرد. هەروەها لە دەشتی مووسڵ و بەعشیقە و بحزان كۆمەڵەی ئافرەتانی كوردستان هەڵسا بە كردنەوەی خوولێكی دوورمان بۆ 35 ئافرەت.