ئەمە بڵاوبكەوە
FaceBook  Twitter  

نیزام شەبیب

لەسنوری قەزای خورماتووی سەر بەپارێزگای سەڵاحەدین، لە رووداوێكی هاتوچۆدا، دوو پیشمەرگە گیانیان لەدەستدا و كەسێكیش بەسەختی بریندار بوو.

رێگەپێدراو زەنون بەرزنجی، لە بەڕێوەبەرێتی پۆلیسی هاتوچۆی خورماتوو، بە رێگای كوردستان-ی راگەیاند، رووداوەكە لەنزیك چێشتخانەی كۆشكی میوانداری بوو، لەنێوان ئۆتۆمبێلێك جۆری تەكسی وئۆپڵێك بووە، شۆفێری ئۆتۆمبێلە ئۆپڵەكە بەناوی سەركەوت رەحیم، دانیشتوی گەڕەكی كۆماری، دەستبەجێ لە شوێنی رووداوەكە گیانی لەدەستدا.

زەنون بەرزنجی راشیگەیاند، دوو كەسی دیكە بەسەختی برینداربوونە، دوای گەیاندنیان بە نەخۆشخانەی ئازادی شاری كەركوك یەكێك لە بریندارەكان بە هۆی سەختی برینەكەیەوە گیانی لەدەستداوە.

هەروەها ناوبراو وتیشی، ئەوانەی گیانیان لەدەستداوە پێشمەرگەن لە لیوای 144.