ئەمە بڵاوبكەوە
FaceBook  Twitter  

ڕێناس گەرمیانی – تایبەت بە ڕێگای كوردستان

لە لایەن هێزەكانی بەرپەرچدانەوەی خێراوە لە شارۆچكەی خورماتوو گەنجێكی كورد لە سەر ماددەی هۆشبەر دەستگیر كرا.

محەمەد فایەق بەرپرشی پێشووی ڕاگەیاندنی قایمقامیەتی خورماتوو هەواڵەكەی پشت راستكردەوەوبە (ڕێگای كوردستان)ی ڕاگەیاند:- لە لایەن هێزەكانی بەرپەرچدانەوەی خێراوە لە نێو شارۆچكەی خورماتوو گەنجێكی كوردی دانیشتووی شارۆچكەی كەلار بە ناوی (محەمەد حسێن فارس) دەستگیر كرا .

گوتیشی:-هۆكاری دەستگیر كردنەكەی بۆ ئەوە دەگەڕێتەوە كە ناوبراو بڕێك ماددەی هۆشبەری لە جۆری كریستال پێبووە بەگەڵ گڵۆپێكی بچوك كە بۆ خواردنی ماددەی بێهۆشكەر بە كار دەهێنرێت ودواتر رادەستی پۆلیسی خورماتوو كرا بەمەبەستی لێكۆڵینەوە لەگەڵیدا.