ئەمە بڵاوبكەوە
FaceBook  Twitter  

 

بەهۆی زۆری رێژەی بارانبارینەوە، بەشێك لە چیای گەلی بازێ داروخاوە، بەو هۆیەوە رێگای سەرەكی دەڤەری بەرواری باڵاو و ناحیەی كانی ماسی لە قەزای ئامێدی و ڕێگای هاتۆچۆی حەوت گوندیش داخراوە.

رۆژی شەممە 6ی نیسانی 2019 سەربەست ئاكرێی بەرێوبەری ناحیەی كانی ماسی بە میدیاكانی ناوخۆی راگەیاند، شەوی رابردوو تاشەبەردێك لە چیای گەلی بازێ كەوتۆتە خوارەوە، بەهۆیەوە رێگای سەرەكی گەلی بازێ گیراوە، بەوەش ڕێگای هاتوچۆی چەندین گوندی ئەو سنورە داخراوە.

بەرێوبەری ناحیەی كانی ماسی راشیگەیاند، لە ئێستاد چاوەرێی ئامێر شكاندنن لە دهۆكەوە بێت و ئەو تاشەبەردە بشكێنێت و ڕێگاكە بكرێتەوە.