ئەمە بڵاوبكەوە
FaceBook  Twitter  

 

مەكتەبی راگەیاندنی ناوەندی حزبی شیوعی كوردستان مەراسیمێكی بۆ پەرتوكی (چەتۆ بەڕانەتی) بەناونیشانی (لاپەرە پرشنگدارەكان، پیشمەرگە و پێشمەرگایەتی) ئەنجامدا.

رۆژی شەممە 13ی نیسانی 2019 بە ئامادەبوونی ژمارەیەك زۆر لە پێشمەرگە دێرینەكانی حزب، ئامادەی مەراسیمی واژۆكردنی كتێبەكەی (چەتۆ بەڕانەتی) بوون.

هاورێ (زیرەك كەمال) وتاری مەكتەبی راگەیاندنی ناوەندی حزبی شیوعی كوردستان خوێندەوە و تیایدا، سوپاس و ستایشی پێشمەرگە دێرین (چەتۆ بەڕانەتی) كرد لەبەرامبەر خەبات و تێكۆشانی لەپێناو كورد و كوردستان.

دواتر چەتۆ بەڕانەتی، تیشكی خستەسەر ناوەرۆكی پەرتوكەكە و بەشەكانی پەرتوكی (لاپەرە پرشنگدارەكان، پیشمەرگە و پێشمەرگایەتی) بۆ ئامادەبووان شیكردەوە.

هەر لە مەراسیمەكەدا (ملازم هەژار و هاورێ شەماڵ و هاورێ شكورڵڵا) هاوسەنگەر و پێشمەرگەی دێرین، رۆژانی تێكۆشانی خۆیان بۆ ئامادەبووان باس كرد.

لە كۆتایی مەراسیمەكەدا (چەتۆ بەڕانەتی) بە واژۆیی خۆیی پەرتوكەكەی بەخشیە ئامادەبووان .