ئەمە بڵاوبكەوە
FaceBook  Twitter  

کاسترۆ مەعروف، ئەندامی ئەنجوومەنی پارێزگای سلێمانی رایگەیاند، داوامان کردووە لە ڕێگای یاساوە لە ڕۆژی یەکی ئایار"ڕۆژی جیهانیی کرێکاران" وەک ڕێزێک لە ماندووبوونی کرێکاران ،کار بە کرێکاران نەکرێت.

کاسترۆ مەعروف، ئەندامی ئەنجومەنی پارێزگای سلێمانی و نوێنەری حزبی شیوعی كوردستان رایگەیاند: نوسراویان ئاراستەی پارێزگاری سلێمانی و ئیدارەکانی گەرمیان راپەرین کردووە، بۆ ئەوەی لەرێگای بەرێزیانەوە کۆمپانیاو کارگەکان ئاگادار بکرێن بەوەی كە رۆژی یەکی ئایار بکرێتە پشووی فەرمی و کار بە کرێکاران نە کرێت".

ئەو ئەندامەی ئەنجومەنی پارێزگای سلێمانی ئاماژەی بۆ ئەوەش كردوە: "ئامانج لەم کارەمان ڕێز گرتنە لە ماندووبوون و جەژنی کرێکاران لەو ڕۆژەدا، هەروەها بەرزنرخاندنی پێگە و توانای کرێکارانە لەو ڕۆژەدا".