ئەمە بڵاوبكەوە
FaceBook  Twitter  

ڕێناس گەرمیانی – تایبەت بە ڕێگای كوردستان

بە هۆی تێووەگلابوونی لە سەر دۆسییەكانی ماددەی هۆشبەر لە شارۆچكەی خورماتوو ، فەرمانی دەستگیر كردن بۆ بەڕێووەبەری پێشووی شارۆچكەكە دەركرا.

كەماڵ ئەحمەد ئەندامی ئەنجومەنی شارۆچكەی خورماتوو هەواڵەكەی پشت راستكردەوەو بە (ڕێگای كوردستان) ی ڕاگەیاند:- لە سەر بێدەنگبوون وچاوپۆشیكردن لە سەر دۆسییەكانی ماددە هۆشبەرەكان لە شارۆچكەی خورماتوو وجێبەجێتەكردنی فەرمانی دەستگیركردنی ئەو كەسانەی كە تومەتبارن بە بەكارهێنانی ئەو ماددەیە ، لە لایەن هێزە تەناهییەكانی خورماتووەوە فەرمانی دەستگیر كردن بۆ عەقید نیزم دورگلی بەڕێووەبەری پێشووی پۆلیسی خورماتوو كە لە نەتەوەی توركمانی شیعە مەزهەبە دەركرا.

گوتیشی:- لە ئێستادا خورماتوو بووەتە ناوەندێكی سەرەكی بۆ بەكارهێنانی ماددەی هۆشبەر بە شێوەیەكی ئاشكرا كە تێدا ئەو ماددەیە كۆ دەكرێتەوە ودواتر ڕەوانەی شاروشارۆچكەكانی دیكەی عێراق دەكرێت بەمەبەستی فرۆشتن وساغكردنەوەی بە سەر بەكارهێنەرانیدا.