ئەمە بڵاوبكەوە
FaceBook  Twitter  

Image may contain: outdoor

هاوڕێ كرێكار

لە سنوری شارۆچكەی كفری، بۆمبێكی چێنراوی چەتەكانی داعش، پێش تەقینەوەی بە هێزەكانی پێشمەرگە پۆچەڵكرایەوە.

پێش نیوەڕۆى ئەمڕۆ، لە شارەدێی زنانەی سەر بەشارۆچكەی كفری لە ئیدارەی گەرمیان، لیوای 144 و تیمی پوچەڵكردنەوەی مینی گەرمیان و هێزەكانی ئاسایش و پۆلیسی زنانە، بۆمبێكی چێنراوی چەتەكانی داعشیان تەقاندەوە.

فەرماندەیەكی پێشمەرگە لە لیوای 144 هێزی پێشمەرگە، بە ڕێگای كوردستانی وت : چەتەكانی داعش لەنێوان هەردوو گوندی پەڵكانە و ساڵەیی لە سنوری شارەدێی زنانه، بۆمبێكی چێنراویان داناوە بۆ هێزەكانی پێشمەرگە ئەگەر لەكاتێكدا بیانەوێ ئۆپەراسێون ئەنجام بدەن، هەروەها ئەو ڕێگایانەی دیكەی سنوری زنانە كە بۆ سنوری داگیركراوی ژێر دەستی چەتەكانی داعش دەڕوات بۆم ڕێژكراوە.

فەرماندەكەی هێزی پێشمەرگە، ئەوەشی وت : بۆمبڕێژكردنی ئەو ڕێگایانە بۆ ئەوەیە پێشمەرگە نەتوانێت هێرش بكاتە سەر چەتەكان، هەروەها داعش لەناوچەكە دەستی بە جموجوڵكرد و ئەمەش وەك كاردانەوەیەك بەدی دەكرێت، كە ماوەیەكە ئۆپەراسێون لە ناوچەكە هەیە بۆ كۆتاییهێنان و ڕاودوونانیان .

هەر ئەمڕۆ، پێش تەقاندنەوەی ئەو بۆمبه، ئۆپەراسێۆنێك دژ بە چەتەكانی داعش لە ناوچەكە بەڕێوەچووە .