ئەمە بڵاوبكەوە
FaceBook  Twitter  

رێناس گەرمیانی

لە لایەن تیرۆرستانی داعشەوە گەڕەكێكی شیعە نشینی شارۆچكەی داقوق لە باشوری پارێزگای كەركوك هاوەن باران دەكرێت وبەو هۆیەشەوە شەش هاوڵاتی گیان لە دەست دەدات.

محەمەد فایەق بەرپرسی پێشووی ڕاگەیاندنی قایمقامیەتی خورماتوو هەواڵەكەی پشت راست كردەوەوبە (ڕێگای كوردستان)ی ڕاگەیاند:- دەرنگانێكی شەوی 24/8/2019 تیرۆرستانی داعش بە گولەی هاوەن گەڕەكی زەین ئەلعابدینیان كە گەڕەكێكی توركمان نشینە لە شارۆچكەی داقوق بوردومان كرد.

گوتیشی:- یەكێك لە گولە هاوەنەكان لە ناو یاریگایەكی توًپی پێ‌ كەوت وبەو هۆیەشەوە شەش هاوڵاتی كوژران وحەوتی دیكەش برینداربوون كە دواتر بریندارەكان گوێزرانەوە بۆ نەخۆشخانە بەمەبەستی چارەسەركردن .